وڳڻ: ڳوٺ عالي کبڙ ۾ سماجي تنظيم ايڊرا پاڪستان پاران 1500 غريبن ۾ راشن ورهايو ويو

211 views | 24th Aug 2023 • سنڌي خبرون

سماجي اڳواڻ اياز علي ڪلھوڙو وفاقي گھرو کاتي جي آفيسر نديم علي ڪلھوڙو جي تعاون سان راشن ورهايو

وڳڻ(رپورٽر) وڳڻ لڳ ڳوٺ عالي کبڙ ۾ سماجي اڳواڻ وڏيرو اياز علي ڪلھوڙو وفاقي گھرو کاتي جي آفيسر نديم علي ڪلھوڙو جي تعاون سان سماجي تنظيم ايڊرا پاڪستان پاران 1500 غريب مسڪين برسات متاثر خاندانن ۾ راشن ورھايو ويو ان موقعي تي صحافين سان ڳالھائيندي سماجي اڳواڻ وڏيرو اياز علي ڪلھوڙ ۽ سماجي تنظيم ايڊرا جي عابد علي چيو ته گذريل سال پيل برساتن دوران اسانجو عوام تمام گھڻو متاثر ٿيو ھُيو انڪري اسانکي پنھنجي ماڻھن جي نقصان جو تمام گھڻو ڏک ۽ دلي صدمو آھي انڪري اسان ھُنن ۾ کائڻ جو سامان راشن ورھايو آھي جنھن ۾ اٽو چانور کنڊ داليون چانھ جي پتي سميت مڇرن کان بچاءُ جو لوشن ۽ مڇر دانيون پڻ آھن ڇوته ھن موسم ۾ ڳوٺن ۾ تمام گھڻا مڇر ٿين ٿا جنھنڪري مليريا پڻ عام ٿي وئي آھي ھُنن چيو ته اسانکي پنھنجي ماڻھن جي خدمت ڪندي دلي سڪون ملندو آھي راشن وٺندڙ مردن عورتن چيو ته اسان مسڪين آھيون اسانجو برسات سبب تمام گھڻو نقصان ٿيو ھُيو اڄ اسانکي خوشي آھي ته اسانکي پنھنجي ڳوٺ جي چڱي مڙس اياز علي ڪلھوڙو جي سھڪار سان مھيني جو راشن مليو آھي.