گجي ڀرسان پير جھاڙيون واسي ڳوٺاڻن جو زمين تي مبينا قبضي خلاف احتجاج

167 views | 21st Aug 2023 • سنڌي خبرون

ممتاز جوکيو، پيارو جوکيو ۽ حمزہ خان جانوري ڳوٺن جي رھواسين پاران احتجاج ڪيو ويو

ٺٽو( ڊر) گجي ڀرسان ديھ پير جھاڙيون جي مقامي ڳوٺاڻن جي زرعي زمين تي ڪيل مُبينا قبضن جي ڪوششن سميت ڳوٺاڻن کي بيدخل ڪرڻ واري سازشن خلاف ڳوٺاڻا سراپا احتجاج بڻيل، نعريبازي، تحفظ فراھم ڪري سندن ملڪيتن کي بچائڻ جي گھر ڪري ڇڏي آھي، تفصيل موجب گجو لڳ ميرپور ساڪرو تعلقي جي ديھ پير جھاڙيون جي ڳوٺن ڳوٺ ممتاز جوکيو، ڳوٺ پيارو جوکيو ۽ ڳوٺ حمزہ خان جانوري جي ڪيترن ئي متاثر رھواسين گجو لڳ مذڪورہ زمين تي احتجاج ڪندي ڌڻي بخش خاصخيلي، محمد بخش بروھي، علي حسن جوکيو، نواز خان، پيارو جوکيو، اڪبر ملاح، معشوق جانوري ۽ ٻين چيو تہ سندن زرعي زمين 109 ايڪڙ کي اسٽيٽ لينڊ قرار ڏيئي ضلعي انتظاميہ ٺٽو ۽ روينيو کاتي پاران وفاق حوالي ڪيو پيو وڃي، جيڪا ساڻن وڏي ناانصافي آھي.