ڪراچي: سنڌ بلڊنگ ڪنٽرول اٿارٽيءَ جي ڪرپٽ آفيسرن خلاف ڪاررايون شروع

140 views | 07th Sep 2023 • سنڌي خبرون

اسحاق کھڙو ڊي جي طور ذميواري سنڀالڻ کانپوءِ آفيسرن کي طلب ڪري ورتو

سنڌ بلڊنگ ڪنٽرول اٿارٽيءَ ۾ اسحاق کھڙو جي ڊائريڪٽر جنرل مقرريءَ کانپوءِ ڪرپٽ آفيسرن خلاف ڪاررايون شروع، اسحاق کھڙو سنڌ بلڊنگ ڪنٽرول اٿارٽيءَ ۾ ڊائريڪٽر جنرل طور ذميواري سنڀالڻ کانپوءِ فوري طور آفيسرن کي طلب ڪري ورتو، پي اي سي ايڇ ايس ۽ ڪراچي ايڊمن سوسائٽي ۾ غير قانوني تعميرات جي مختلف اخبارن ۾ شايع ٿيل خبر جو ڊي جي نوٽيس ورتو غير قانوني تعميرات جي اجازت ڏيندڙ سنڌ بلڊنگ ڪنٽرول اٿارٽيءَ جي ڊپٽي ڊائريڪٽر عبدالسميع کان ٽن ڏينھن ۾ وضاحت طلب ڪئي وئي، ڊائريڪٽر جنرل اسحاق کھڙو موجب ٽن ڏينھن ۾ نوٽيس جو جواب نھ ڏيڻ جي صورت ۾ لاڳاپيل ڊپٽي ڊائريڪٽر خلاف ريگيوليشن رولز 4، موجب ڪارروائي ڪئي ويندي، لاڳاپيل آفيسر کي ھدايت ڪئي وئي آھي تھ پي اي سي ايڇ ايس ۽ ڪراچي ايڊمن سوسائٽي ۾ غير قانوني تعميرات بابت جامع رپورٽ ٽن ڏينھن اندر جمع ڪرائي وڃي، ڊائريڪٽر جنرل اسحاق کھڙو ايس بي سي اي جي ڊپٽي ڊائريڪٽر محمد جليس صديقي کي ھدايت ڪئي آھي تھ ضلع اوڀر ۾ اسڪيم 33 ۾ غير قانوني اڏاوتن ۾ ملوث آفيسرن جي تفصيلي رپورٽ ٽن ڏينھن ۾ پيش ڪئي وڃي، ڊائريڪٽر جنرل اسحاق کھڙو جو چوڻ آھي تھ ڪراچي سميت پوري سنڌ ۾ ڪٿي بھ غير قانوني اڏاوت برداشت نھ ڪئي ويندي، ملوث آفيسرن خلاف سخت ڪارروائي ڪئي ويندي، ڪنھن بھ ضلعي ۾ جيڪڏھن قانون موجب اڏاوت ٿي رھي آھي ۽ انهن کي ڪو مسئلو آھي ته ان کي فوري طور حل ڪيو وڃي، اڳوڻي سسٽم سان ڪم ڪندڙ آفيسرن خلاف ڪاروائي ڪئي ويندي، شهرين کي قانوني اڏاوتن ۾ فوري مدد فراهم ڪئي وڃي،