مٺي ۾ مندر کي حددخلي ڄاڻائي مسمار ڪرڻ واري نوٽيس بعد کتي برادري جو احتجاجي مظاھرو

هريش ڪمار لوهاڻو پنهنجي گهر جي ڀرسان مندر تعمير ڪرڻ نٿو ڏي ۽ هو مندر مسمار ڪرائڻ چاهي ٿو: الزام

مٺي ( رپورٽ جي آر جوڻيجو ) مٺي جي کتري محلا ۾ وڪيل هريش ڪمار لوهاڻو جي درخواست تي اينٽي انڪروچمينٽ ٽربيونل ميرپورخاص پاران ٺھيل مندر کي حددخلي ڄاڻائي.مسمار ڪرڻ جي نوٽيس بعد مٺي ۾ کتري برادري پاران واشديو کتري وڪرم کتري ڀيرولعل سوٽھڙ شامداس مھيشوري لالچند ڊي ڪي آچاريه دولترام کتري ۽ ٻين جي اڳواڻي احتجاجي مظاهرو ڪيو ويو انهي موقعي تي ڳالهائيندي اڳواڻن چيو ته هندو برادري سان ئي تعلق.رکندڙ هريش ڪمار لوهاڻو پنهنجي گهر جي ڀرسان مندر تعمير ڪرڻ نٿو ڏي ۽ هو مندر مسمار ڪرائڻ چاهي ٿو ۽ ڪورٽ مان آرڊر وٺي آيو آھي هنن چيو ته پلاٽ کتري برادري جي ملڪيت آھي جنهن تي مندر قائم ٿيل آھي هنن چيو ته وڪيل پنهنجي انا خاطر مٺي جهڙي پرامن شھر ۾ اهڙا معاملا ڪرائڻ چاهي ٿو پر اسان ڪنهن به صورت ۾ سندس اهڙي سوچ ڪامياب ٿيڻ نه ڏينداسين ۽ مندر کي ڪنهن به ريت نه ڊاهينداسين هنن چيو ته سياسي سماجي ڌريون معاملي جو نوٽيس وٺن ۽ بليڪ ميلنگ ڪندڙ وڪيل خلاف ڪاروائي ڪئي وڃي ٻي صورت ۾ احتجاجي دائرو وسيع ڪيو ويندو.