ھڪ ڀيرو ٻيھر ڪراچي واسين تي بجلي بم ڪيرايو ويو آھي: محمد حسين محنتي

جان محمد مھر ۽ معصوم فاطمھ فرڙو جي قاتلن کي سزا نھ ملڻ حڪومتي ناڪامي آھي

ڪراچي (اسٽاف رپورٽر) جماعت اسلامي سنڌ جي امير اڳوڻي ايم اين اي محمد حسين محنتي چيو آھي تہ ھڪ ڀيرو ٻيھر ڪراچي واسين لاءِ بجلي پوڻا پنج رپيا في يونٽ مھانگائي ڪرڻ ظلم آھي،ٻہ مھينا گذري وڃڻ باوجود جان محمد مھر ۽ معصوم فاطمو فرڙو جي قاتلن کي سزا نہ ملڻ حڪومتي ناڪامي آھي، آچر ڏينهن جماعت اسلامي طرفان بلي اگهن ۾ واڌ ڳرا ٽيڪس مڙھڻ سميت حڪمرانن جي عوام دشمن قدمن خلاف ڪراچي ۾ گورنر ھائوس آڏي ڌرڻو ھنيو ويندو،جنھن کي مرڪزي امير سراج الحق سميت ٻيا صوبائي ۽ مقامي اڳواڻ خطاب ڪندا . اھڙن خيالن جو اظھار ھن قباء آڊيٽوريم ۾ جماعت اسلامي سنڌ جي اجلاس کي خطاب دوران ڪيو.اجلاس ۾ سنڌ جي سياسي توڙي تنظيمي صورتحال سميت ٻين مامر ن تي غور ڪيو ويو . محمد حسين محنتي چيو وڌيڪ چيوتہ 50 هزارکان گهٽ آمدني وارن تي به ٽيڪس لڳائڻ جو فيصلو سراسرظلم ۽غريبن کي جيئرو زمين ۾ دفن ڪرڻ برابر آهي نادان حڪمران آءِ ايم ايف جي ڳرن شرطن تي عمل ڪري پنهنجي عوام جي زندگي زهر بنائي رهيا آهن جڏهن ته پاڪستان جو هرشهري يوٽيلٽي بلن کان وٺي ماچس صابڻ جي ٽڪي تائين هرشيءِ تي اڳ ۾ ئي ٽيڪس ادا ڪري پيو. هن چيو ته جماعت اسلامي ھڪ تحريڪ آھي ڪراچيءَ کان ڪشمور سڄي سنڌ ۾ عام چونڊن ۾ ڀرپور حصو ورتو ويندو . ڪارڪنن ڀرپور تياري ڪن .مھانگائي عوام جي زندگي زھر بڻائي ڇڏي آھي.حڪومت عوام کي رت چوسيندڙ بجلي ڪمپنين توڙي ڌاڙيلن جي رحم وڪرم تي ڇڏي آھي،جماعت اسلامي اھڙن ظالماڻن فيصلن خلاف قانوني ۽ عوامي سطح تي آواز اٿاريندي رهندي .#