حڪومت افغانين کي ڪڍڻ لاء سنجيدا ناهي، سکڻن بيانن سان ڪم نه هلندو: ڊاڪٽر نياز ڪالاڻي

سنڌ ۾ منشيات هٿيار عام بڻجي ويا آھن سنڌ ۾ بدامني به افغاني پکيڙي رهيا آھن، افغانين جي لوڌ سنڌ ۾ لٿل آھي

ٺاروشاھ(رپورٽر) حڪومت افغانين کي ڪڍڻ لاء سنجيدا ناهي صرف سکڻن بيانن سان ڪم نه هلندو افغانين جي لوڌ سنڌ ۾ لٿل آھي جنهن ڪري سنڌ ۾ منشيات هٿيار عام بڻجي ويا آھن سنڌ ۾ بدامني به افغاني پکيڙي رهيا آھن سڀاڻي محرابپور ۾ لکين سنڌي نڪري گو افغاني گو ريلي ۾ شريڪ ٿيندا, ڊاڪٽر نياز ڪالاڻي جي پريس ڪانفرنس, ٺاروشاھ پريس ڪلب تي پريس ڪانفرنس ڪندي جيئي سنڌ قومي معاذ جو بانيڪار ڊاڪٽر نياز ڪالاڻي رواداري تحريڪ جو چيئرمين پنهل خان ساريو آصف راهوجو ۽ ٻين پريس ڪانفرنس ڪندي چيو ته نگران سنڌ حڪومت افغانين کي ڪڍڻ لاء سنجيدگيء جو مظاهرو نه ڪري رهي آھي صرف ميڊيا تي بيان ڏئي رهيا آھن هنن چيو ته افغانين جي لوڌ سنڌ ۾ بي خوف آھي سنڌ ۾ سرعام منشيات هٿيار کپائي رهيا آھن هنن چيو ته افغانستان جي وزير خارجا جي هڪ بيان تي وفاقي حڪومت ٿڙڪي رهي آھي پ پ جي حڪومت دور ۾ افغانين جا قومي شناختي ڪارڊ وڏي پيماني تي ٺھيا آھن جن کي فوري طور رد ڪري افغانين جون ملڪتيون ضبط ڪري قومي خزاني ۾ جمع ڪرايون وڃن هنن چيو ته سڀاڻي محرابپور ۾ گو افغاني گو ريلي ڪڍي ويندي جنهن ۾ پوري سنڌ مان قوپرست اڳواڻ ۽ سنڌ سان محبت جو اظھار ڪندڙ شريڪ ٿيندا ان موقعي تي ساڻس گڏ جسقم اڳواڻ عاشق بالادي اعجاز سومرو ايس يو پي ضلع صدر رضا محمد بهڻ جسم جي ضلع صدر عرفان ڏاهري ۽ ٻيا گڏ ھئا.