ابڙان پوليس جي ڪارروائي، پنجاب مان اغوا ڄاڻايل عورت کي بازياب ڪرائڻ جي دعويٰ

179 views | 11th Oct 2023 • سنڌي خبرون

ايس ايس پي جي حڪم تي ڪارروائي دوران 40 ورھين جي تسليم کي بازياب ڪرائي ورتو: پوليس

نوشهروفيروز (ڊ ر) ايس ايس پي نوشهروفيروز جي حڪم تي ابڙان پوليس ڪارروائي ڪري پنجاب مان اغوا ٿيل عورت بازياب ڪرائي ورتي آھي. 40 سالن جي مسمات تسليم ملتان جي علائقي مظفر آباد جي رھواسڻ آھي جڏھن ته اغوا ٿيل عورت 5 ٻارڙن جي ماءُ آھي. عورت کي 11 جون تي فيڪٽري مان گھر واپس ايندي اغوا ڪيو ويو ھو. ملتان ھاءِ ڪورٽ عورت جي اغوا جو نوٽيس ورتو ھو، جنھن بعد ابڙان پوليس عورت کي بازياب ڪرايو ۽ملتان پوليس حوالي ڪري ڇڏيو آھي.