ميرپورساڪرو جي رھواسين جو زمينن جا جعلي کاتا ٺھڻ خلاف احٽجاجي مظاھرو
رياض ابراھيم ملاح، محمد اشرف ملاح، ذيشان جٽ، عامر علي، ابراھيم، گلزار ملاح ۽ ٻين احتجاج ڪيو
ٺٽو( ڊر) تعلقي ميرپور ساڪرو جي رھواسي کاتيدارن جي سروي زمينن جي کاتن ۾ ھيراڦيري، رشوت کانسواء سروي زمينن جا کاتا نہ ٺھڻ توڙي AC ميرپور ساڪرو پاران مقامي رھواسين جي سروي زمينن کي جعلي کاتن ذريعي ڌارين ماڻھن سان وڪرو ڪري مقامي رھواسين جا جائز مسئلا حل نہ ٿيڻ واري عمل خلاف ٻئي ڏينھن تي پڻ گھارو جي رھواسي متاثر آبادگارن ۽ زميندارن مقامي رھواسين سان گڏ ھڪ احتجاجي مظاھرو گھارو شھر ۾ رياض ابراھيم ملاح، محمد اشرف ملاح، ذيشان جٽ، عامر علي، ابراھيم، گلزار ملاح جي اڳواڻي ۾ ڪندي چيو تہ ڪوھستاني توڙي ساحلي پٽي جي زمينن تي اڳ ئي بااثر قٻضاگيرن قبضا توڙي والارون ڪري چڪا آھن، پر ھاڻي ھتان جي رھواسي مقامي کاتيدارن جي سروي زمينن جا بہ کاتا ھٿ جي صفائي سان تبديل ڪري حقدارن کان پنھنجا حق کسيا پيا وڃن، ھنن الزام ھڻندي چيو تہ AC ميرپور ساڪرو اقبال تنيو مقامي ماڻھن جي سروي زمينن جا کاتا تبديل ڪري انھن جون زمينون بااثر ڌارين ماڻھن سان وڪرو ڪرڻ سميت مقامي ماڻھن جا جائز مسئلا بہ حل ڪرڻ لاء تيار ناھي، ھنن انڪشاف ڪندي چيو مقامي کاتيدارن کان سندن زمينن جا کاتا ٺھرائڻ لاء بہ لکين روپيہ رشوت طلب ڪئي پئي وڃي، جيڪا ڏيڻ سندن وس کان ٻاھر آھي، ھنن گھر ڪئي تہ تعلقي ميرپور جي کاتيدارن سان انصاف ڪري سندن زمينن جي کاتن ۾ ھيراڦيري ڪندڙن خلاف ڪاروائي ڪري سندن جائز مسئلا حل ڪيا وڃن. بئي صورت ۾ جائز مسئلن جي حل تائين سندن جدوجھد جاري رھندي.
0 تبصرے