تنگواڻي ۾ عوامي تحريڪ پاران سنڌ جي ٻرندڙ مسئلن جي حل لاءِ ريلي

قبيلائي دهشتگردي، ڌاڙيل راڄ،ڌارين جي آبادڪاري ۽ تنگواڻي کي بنيادي سهولتون ڏيڻ لاء احتجاجي ريلي ڪڍي وئي

تنگواڻي ۾ عوامي تحريڪ پاران سارين جي مناسب اگهہ نہ ملڻ،قبيلائي دهشتگردي، ڌاڙيل راڄ،ڌارين جي آبادڪاري ۽ تنگواڻي کي بنيادي سهولتون ڏيڻ لاء احتجاجي ريلي ڪڍي،ماشاء اللّه اسٽاپ کان اصغر ملڪ،ربڏنو ملڪ،منظور کوسو،فدا حسين،ڪامريڊ صالح ۽ ٻين جي اڳواڻي ۾ نڪتل ريلي ۾ وڏي انگ ۾ معصوم ٻارڙن بہ شرڪت ڪئي،هٿن ۾ بينر کڻي شهر جو گشٿ ڪندي سخت نعريبازي ڪئي وئي، اڳواڻن خطاب ڪندي چيو تہ سارين جا اگهہ گهٽ ڏئي،ڪٽوتي ڪري معاشي بدحالي طرف ڌڪيو پيو وڃي،هنن چيو تہ قبيلائي جهيڙن ۽ لاقانونيت سبب ڪيترا سنڌ ڪونڌر ڪسجي ويا، صحافي جان محمّد مهر،اجمل ساوند،فاطمہ ڦرڙو سميت شهيد جا قاتل آزد آهن،هنن چيو تہ تعلقي ۾ بنيادي سهولتون نہ هجڻ سبب غريب عوام مشڪلاتن جي ور چڙهيل آهي،هنن گهر ڪئي تہ آر ايڇ سي کي سول اسپتال جو درجو،ترقياتي ڪم ڪرائي،گئس بجلي جي هٿرادو لوڊشيڊنگ ختم ڪئي وڃي،هنن گُهر ڪئي تہ لائيبرري، اسٽيڊيم،پارڪ سميت سهولتون ڏنيون وڃن.