سجاول ۾ ڊسٽرڪٽ پاپوليشن ويلفيئر جي عورت ملازمن جو چوڪيدار خلاف احتجاج

عائشه پروين، نازيه، شازيه سومرو، ربيه سومرو، مهرالنساءَ ۽ ٻين جي اڳواڻي ۾ احتجاج ڪيو ويو

سجاول (رپورٽر) سجاول ۾ ڊسٽرڪٽ پاپوليشن ويلفيئر ملازم عورتن سان اڍنگو رويو رکندڙ چوڪيدار جي خلاف ملازم عورتن ۽ مردن جو احتجاج، فوري طور تي هٽائڻ جو مطالبو، سجاول ۾ پاپوليشن ويلفيئر ملازم عورتن سان اڍنگو رويو رکندڙ چوڪيدار جي خلاف ڊسٽرڪت پاپوليشن سجاول جي ملازم عورتن ۽ اسٽاف عملي پاران ڊسٽرڪٽ پاپوليش ويلفيئر آفيس اڳيان احتجاج ڪيو ويو، ان موقعي تي احتجاج ڪندي ملازم عورتن ۽ مردن سلمان ميمڻ، عائشه پروين، نازيه، شازيه سومرو، ربيه سومرو، مهرالنساءَ، نويد ميمڻ، ممتاز ميمڻ، اعجاز ملاح، رفيق سولنگي ۽ ٻين الزام هڻندي چيو ته ڊسٽرڪٽ پاپوليشن ويلفيئر سجاول جو چوڪيدار آچار کڏائي جيڪو آفيس ۾ اسان انچارج ملازم عورتن سان بدتميزي ۽ ڪريل ٻولي استعمال ڪري ٿو۽ آفيس مان چوري به ڪرائي ٿو، اهڙي دانهن اسان ڪلرڪ طالب انڙ کي پڻ ڏني آهي جيڪو هن کي هدايت ڪرڻ بدران بيڻو پٺڀرائي ڪري رهيو آهي، اسان چوڪيدار آچار کڏائي جي اهڙي اڍنگي رويي مان تنگ ٿي پيا آهيون، ان علاوه اسان جا کوڙ سارا مسئلا آهن جيڪي حل نٿا ٿين، هنن چيو ته آفيسر وهاب عباسي نهايت ئي سٺو ۽ ايماندار آفيسر آهي جيڪو اسان جي هروقت رهنمائي ڪندو آهي، هنن نگران حڪومت ۽ پاپوليشن جي اعليٰ عملدارن کي مطالبو ڪندي چيو ته عورتن سان اڍنگو رويو رکندڙ آچار کڏائي کي فورن هٽائي ۽ اسان جا جائز مسئلا حل ڪيا ڃن.