ڪراچي: سپريم ڪورٽ بار ايسوسيئيشن جي چونڊ, حامد خان گروپ جو صدارتي اميدوار وڏي ليڊ سان ڪامياب

عاصمه جهانگير گروپ جي اميدوارن کي شڪست

ڪراچي (اسٽاف رپورٽر) سپريم ڪورٽ بار ايسوسيئيشن جي چونڊ، عاصمه جهانگير گروپ جي اميدوارن کي شڪست،حامد خان گروپ جو صدارتي اميدوار 193 ووٽ کڻي وڏي ليڊ سان ڪامياب، سميعہ فيض دراني 177 ووٽ کڻي پھرين پوزيشن ماڻي ورتي، سنڌ مان 437 ووٽرن پنھنجو ووٽ ڪاسٽ ڪيو، تفصيل موجب سپريم ڪورٽ بار ايسوسيئيشن جي سالياني چونڊ 2023-2024 جون چونڊون ٿي گذريون، صبح 9 وڳي کان شام پنج وڳي تائين ووٽنگ جو عمل بغير وقفي جي جاري رهيو، سپريم ڪورٽ بار جي 8 مختلف سيٽن تي 20 اميدوارن چونڊن ۾ حصو ورتو، ووٽرن جو ڪل انگ 3 هزار 756 آهي، لاهور ۾ سڀ کان وڌيڪ ووٽرن جو انگ 1 هزار 3 سئو 48 آهي. جڏهن ته ڪراچي ۾ 676 رجسٽرڊ ووٽرن مان 437 ووٽرن ووٽ ڪاسٽ ڪيو، جڏھن ته 18 ووٽ رد ٿي ويا، سپريم ڪورٽ جي چونڊن ۾ صدارتي اميدوار لاءِ عاصمہ جھانگیر گروپ جو شھزاد شوڪت 168 ووٽ کڻي سگھيو، جڏھن ته حامد خان گروپ جو ميان عبدالقدوس 196 ووٽ کڻي ڪاميابي ماڻي ورتي آھي، سيڪريٽري جي سيٽ تي حامد خان گروپ جو علي عمران سيد 134ووٽ کڻي سگھيو، جڏھن ته عاصمه جھانگير گروپ جي سلمان منصور 211 ووٽ کڻي ڪاميابي ماڻي ورتي آھي، سنڌ جي ھڪ سيٽ نائب صدر لاءِ ٽي عورتون ميدان ۾ ھيون جن مان سميه فيض دراني 177 ووٽ کڻي ڪامياب ٿي وئي، جڏھن ته صيفي علي ۽ عابده چنڙ کي ناڪامي نصيب ٿي، سنڌ ۾ ٽوٽل 676 ووٽرن مان 437 ووٽرن ووٽ ڪاسٽ ڪيو.