ٺٽي ۾ جيئي سنڌ محاذ پاران مرف انتظاميھ خلاف سول اسپتال مڪلي جي گيٽ آڏو ڌرڻو

مرف انتظاميھ جي نااھلي سبب سول اسپتال شفا گھر بڻجڻ بجاء ڪوس گھر بڻجي ويئي آھي: اڳواڻ

ٺٽو( محمد شفيق ڀٽي) جئي سنڌ محاذ ضلعي ٺٽي طرفان سول اسپتال مڪليءَ ۾ ھڪ ئي وقت ٽن معصوم ٻارڙن جي فوت ٿيڻ توڙي مرف انتظاميه جي عدم دلچسي واري رويي خلاف ھڪ احتجاجي مظاھرو سول اسپتال مڪلي جي گيٽ سامھون ٺٽو/ڪراچي قومي شاھ تي جيئي سنڌ محاذ ضلعي ٺٽي جي صدر امجد شورو، حيدر شورو جي اڳواڻي ۾ ڪري ڌرڻو ھڻي ٽرئفڪ معطل ڪري ڇڏي، جنھن احتجاج ۾ سنڌ ڪلچرل فورم جو چيئرمين صادق لاکو پنھنجي نياڻين پنھور ،ڊاڪٽر حجاب فاطمہ، ڪامريڊ بختاور فاطمہ ۽ محرم علي پنھور سميت شامل ٿي ويو، احتجاجي مظاھري کي خطاب ڪندي جئي سنڌ محاذ ضلعي ٺٽي جي صدر امجد شورو چيو تہ سول اسپتال مڪلي جا انتظام جڏھن کان مرف اين جي اوز جي حوالي ٿيا آھن، تڏھن کان اسپتال شفا گھر بڻجڻ بجاء ڪوس گھر بڻجي ويئي آھي، جنھن ۾ دوائن جي کوٽ سميت ڊاڪٽر ايندڙ مريضن تي ڪوبہ ڌيان نٿا ڏين، انھن جي لاپرواھي ۽ غيرذميواري سبب ھڪ ئي ڏينھن تي 3 معصوم ٻارڙا فوت ٿي ويا، جيڪا ڏاڍي افسوس واري ڳالھ آھي، جن جي موت جي ذميوار مرف اين جي اوز آھي، ھنن گھر ڪئي تہ فورن مرف اين جي اوز کان سرڪاري اسپتالن جا انتظام واپس وٺي اسپتالن کي سرڪاري نگراني ۾ ھلائي اسپتالن ۾ دوائن جي کوٽ کي ختم ڪري ھڪ ئي ڏينھن 3 مائرن جون جھوليون خالي ڪندڙ عملي خلاف ڪاروائي ڪري عوام کي صحت جون بھتر سھولتون مھيا ڪيون وڃن، ٻئي صورت ۾ سخت احتجاج ڪيو ويندو.