جھمپير ويجھو مقامي پورھيتن جو پگھارون نھ ملڻ ۽ مراعتون نھ ملڻ خلاف ونڊ ڪمپني خلاف ڌرڻو

جھمپير ويجھو مقامي پورھيتن جو پگھارون نھ ملڻ ۽ مراعتون نھ ملڻ خلاف ونڊ ڪمپني خلاف ڌرڻو

ٺٽو( ڊر) جهمپير لڳ ڪوھستاني پٽي ۾ قائم ٿيل ماسٽر ونڊ آنرجي ڪمپني ۾ مقامي پورهيتن جون پگهارون نہ وڌائڻ توڙي کين بونس سميت ٻيون مراعتون نہ ملڻ خلاف متاثر ڪيترن ئي پورھيتن پاران ماسٽر ونڊ مل ڪمپني جي مک گيٽ آڏو ھڪ احتجاجي مظاھرو محمد چانگ، قادر بروھي، ياسين بروھي، غلام چانگ، نواز چانگ جي اڳواڻي ۾ ڪري سخت نعريبازي ڪندي ڪمپني گيٽ اڏو ڌرڻو ھڻي ويھي رھيا، جتي متاثر ملازمن احتجاج ڪندي چيو تہ ھو ڪيترن ئي سالن کان ڪمپني ۾ ملازمت ڪندا پيا اچن، پر ھن مھنگائي واري دور ۾ نہ سندن پگھارن ۾ اضافو ٿو ڪيو وڃي ۽ نہ ئي بونس سميت ڪي ٻيون مراعتون ٿيون ملن، ان کانسواء ڪمپني جي ايڊمن جو رويو بہ ساڻن بھتر ناھي، جيڪي رڳو غير مقامي پورھيتن کي نوازڻ ۾ پورا آھن، جنھن ڪري مجبور ٿي جائز حقن جي حاصلات لاء احتجاج ڪري رھيا آھيون. ھنن گھر ڪئي تہ سندن پگھارون وڌائي کين بونس سميت سموريون مراعتون ڏيئي ساڻن انتظاميہ جو رويو بھتر ڪري غير مقامي پورھيتن جيان کين بہ سموريون سھولتون مھيا ڪيون وڃن، ان موقعي تي ڪمپني انتظاميہ جا عملدار احتجاج ڪندڙ پورھيتن وٽ پھچي سندن پگھارن ۾ اضافي سميت کين بونس سان گڏ سموريون مراعتون ڏيارڻ جي خاطري ڪرائي احتجاج ختم ڪرائي ڇڏيو.