ميرپورخاص ايوان صحافت جي اليڪشن، پروگريسو پينل جا 8 اميدوار ڪامياب

160 views | 13th Dec 2023 • سنڌي خبرون

ميرپورخاص ايوان صحافت جي اليڪشن، پروگريسو پينل جا 8 اميدوار ڪامياب

ميرپورخاص (بيورو رپورٽ) ميرپورخاص ڊويزن جي مرڪزي صحافتي اداري ايوان صحافت جي سالياني اليڪشن 2024ع ۾ ايوان صحافت پروگريسو پينل جا 8 ۽ ڊيموڪريٽڪ پينل جا 3 اميدوار ڪامياب قرار ڏنا ويا. صدر جي عهدي لاءِ پروگريسو پينل جو فضل شر 30 ووٽ کڻي ڪامياب قرار ڏنو ويو، جڏهن ته صدر جي عهدي لاءِ ڊيموڪريٽڪ پينل جو فلڪ شير ٽي ووٽ حاصل ڪري سگهيو، اھڙي طرح پروگريسو پينل جي سينئر نائب صدر مختيار احمد ڪيريو نائب صدر غفار رند، جنرل سيڪريٽريءَ اظھر چڍڙ،جوائنٽ سيڪريٽري غفار شر، خزانچي بابو شرف الدين لغاري. اطلاع سيڪريٽري انور بروهي، ۽ ايم ايم سي عمران راجپوت جڏهن ته پروگريسو پينل جي ايم ايم سي شهزاد صابري، زمان قائمخاني ۽ خير دين چانڊيو ڪامياب. ٻنهي پينلن وچ ۾ سخت مقابلو ٿيو. ايوان صحافت ميرپورخاص مسلسل 4 سالن تائين 13 ڊسمبر تي شفاف چونڊون ڪرايون ۽ ان تاريخ کي سڄي ڊويزن ۾ صحافتي جمهوريت جو ڏهاڙو بڻائي ڇڏيو. ايوان صحافت جي اليڪشن انفارميشن کاتي جي ضلعي آفيسر ياسر نواز ميمڻ ۽ ايڊووڪيٽ غلام نبي مييو جي اڳواڻي ۾ ٿي گذريو، جنهن ۾ ايوان صحافت ٽنڊو جان محمد شهزاد سومرو شرڪت ڪئي. ايوان صحافت ميرپورخاص اليڪشن فيئر ۾ سياسي، سماجي ۽ مذهبي شخصيتن، تعلقي آفيسن جي صدرن ۽ ميمبرن سميت شهرين جي وڏي انگ شرڪت ڪئي ۽ ايوان صحافت جي منفرد ۽ واقعي شفاف جمهوري اليڪشن جو شاهد بڻيو.