نوشھروفيروز: عوامي تحريڪ جو جھونو ڪارڪن رضا محمد راڄپر لاڏاڻو ڪري ويو

74 views | 27th Dec 2023 • سنڌي خبرون

نوشھروفيروز: عوامي تحريڪ جو جھونو ڪارڪن رضا محمد راڄپر لاڏاڻو ڪري ويو

نوشهروفيروز(ڊ ر) عوامي تحريڪ جو جھونو ڪارڪن ۽ ھاري اڳواڻ رضا محمد راڄپر ڪينسر جي بيماري سان ڪافي عرصو جھيڙڻ بعد وفات ڪري ويو. سندس جنازي نماز اباڻي ڳوٺ جمن راڄپر ۾ ادا ڪرڻ بعد سوين آلين اکين سان تدفين ڪئي وئي. جڏھن ته جنازي نماز ۾ عوامي تحريڪ جي ڪارڪنن، ھارين، سياسي سماجي اڳواڻن جي وڏي انگ شرڪت ڪئي. رضا محمد راڄپر آخري وقت تائين عوامي تحريڪ ۾ رھيو. ھن ايم آر ڊي تحريڪ ۾ تمام گھڻو متحرڪ ڪردار ادا ڪيو ۽ تمام گھڻيون سختيون سٺيون. ٻئي پاسي عوامي تحريڪ ضلع نوشهروفيروز پاران جھوني ڪارڪن جي وڇوڙي تي 3 ڏينھن سوڳ جو اعلان ڪيو آھي. ان سلسلي ۾ عوامي تحريڪ جي مرڪزي اڳواڻ حسين سومرو چيو آھي ته رضا محمد راڄپر سڄي زندگي فڪر پليجو لاءِ وقف ڪري پنھنجي ماروئڙن ۽ ڌرتي جي حقن لاءِ جدوجھد ڪئي. ھارين ۾ شعور پيدا ڪرڻ ۽ ضيا آمريت خلاف پنھنجي جوانيءَ جا ڏينھن قربان ڪيا. ھن چيو ته رضا محمد عوامي تحريڪ جو اثاثو ھو جنھن جي خدمتن کي ڪڏھن به وساري نه ٿو سگھجي.