ڪشمور مان 8 ڄڻا مبينا اغوا، وارثن جو ڌرڻو

views | 07th Jan 2024 • سنڌي خبرون

ڪشمور مان 8 ڄڻا مبينا اغوا، وارثن جو ڌرڻو

ڪشمور ۾ گذريل رات ملڪ لاڙي واري علائقي وٽ ڏوهارين جي فائرنگ ۾ مسافر گاڏين جي ٻن ڊرائيورن محمد راشد ۽ دانش راجپوت کي زخمي ڪرڻ سميت ڌاڙيل 8 ڄڻن کي اغوا ڪري کڻي ويا ڪشمور ٿاڻي جي پوليس ناقص ڪارڪردگي جو مظاهرو ڪيو ڪا مزاحمت نه ڪري سگهي پنجاب جي ميانوالي واسي سرفراز احمد، خرم شھزاد، صھيب احمد سميت 8 ڄڻا اغوا ٿي ويا آهن جن جي بازيابي لاءِ ٽرڪ ڊرائيورن پاران انڊس هاءِ وي روڊ تي احتجاجي مظاهرو ڪري روڊ بند ڪري ڇڏيو آهي ملڪ لاڙي وٽان روڊ بند ھئڻ ڪري ٽريفڪ جي رواني معطل ٿي وئي آهي ٽرڪ ڊرائيورن جو چوڻ آهي ته ڪشمور ٿاڻي جي ايس ايڇ سميت پوليس امن امان قائم ڪرائڻ ۾ مڪمل طور ناڪام ٿي وئي آهي آئي جي سنڌ نوٽس وٺي نااهل ايس ايڇ او ڪشمور کي فل فور ھٽائ سندس خلاف جاچ ڪئي وڃي ته ڳچ آبادي واري علائقي مان ڪيئن مسافر اغوا ٿي ويا ۽ ھٿياربند ھڪ ڪلاڪ تائين فائرنگ ڪندا رهيا پوليس ڇا ڪري رهي هئي ٽرڪ ڊرائيورن جو چوڻ آهي ته جيستائين ٽنھي مغوين کي بازياب نه ڪرايو ويندو روڊ بند رکيو ويندو ٻئي پاسي ڪشمور ڪنڌڪوٽ انڊس هاءِ وي روڊ بند ھئڻ ڪري ٽريفڪ معطل ٿي وئي آهي گاڏين جون ڊگهيون قطارون لڳي ويون آهن سنڌ پنجاب ڪي پي ڪي طرف سفر ڪندڙ مسافر سخت تڪليفن کي منهن ڏئي رهيا آهن ٻئ پاسي ڪشمور پوليس مغوين جي بازيابي لاءِ ڪي به جوڳا اپاءَ ناھن ورتا گذريل رات سرچ آپريشن ڪيو ويو جنھن بعد پوليس کي عملي طور ڪاميابي نه ملي سگهي آهي