ڪراچي گلشن سيد ٽينٽ سٽي ۾ قتل ٿيل معصوم ٻارڙَي جو ٽيجھو، واقعي جو ڪنھن بھ نوٽيس نھ ورتو

ڪراچي گلشن سيد ٽينٽ سٽي ۾ قتل ٿيل معصوم ٻارڙَي جو ٽيجھو، واقعي جو ڪنھن بھ نوٽيس نھ ورتو

گڏاپ (محمد علي خاصخيلي)ڪراچي گلشن سيد ٽينٽ سٽي ۾ قتل ٿي ويل معصوم ٻارڙي جي خون سان چار ڏينهن گذرڻ باوجود انصاف نه ٿي سگھيو. خيما بستي تي ملير ڊولپمينٽ اٿارٽي ۽ پوليس جي قھري ڪاروائي جو اعلي اختيارين نوٽيس نه ورتو. ٻوڏ متاثر سوين خاندان کلي آسمان هيٺ زندگيءَ گذارڻ تي مجبور بڻيل آھن. فوتي معصوم ٻارڙي جو ٽيجھو گلشن سيد ٽينٽ سٽي ۾ ٿي گذريو. ٽيجھي ۾ پيپلز پارٽي اين اي 235 جي اميدوار حاڪم جسڪاڻي. يوسي ٽي صفوران ٽائون جي چيئرمين تاج محمد وساڻ. لياقت بليدي. غلام سرور ڀٽو. محمد يعقوب سولنگي ۽ ٻينوارثن سان تڏي تي پھچي تعزيت ڪري ٽيجھي جي دعا گھري افسوس جو اظھار ڪيو.ان موقعي تي پيپلز پارٽي اڳواڻ حاڪم جسڪاڻي. تاج محمد وساڻ چيو ته ٻوڏ متاثر خيما بستي ۾ بنا ڪنھن جواز جي ڪاروائي ڪري گھر ڊاھيا ويا آھن، متاثرن مٿان شيلنگ ۽ گوليون ھلايون ويون جنھن ۾ ھڪ معصوم ست ورھين جو ٻارڙو يونس چانڊيو شھيد ٿي ويو ۽ ڪيترائي ماڻھو زخمي ٿيا اسين اھڙي عمل جي سخت لفظن ۾ مذمت ڪيون ٿا، اسين ھميشه ڪراچي ۾ سنڌي ماڻھن جي مالڪي ڪئي آھي ۽ ڪندا رھنداسين. ھنن چيو ته خيما بستي ۾ ويٺل ماڻھو ھٿين خالي ويٺل ھيا. جن مٿان ايم ڊي اي دھشتگردي ڪري ھنن مسڪين ماڻھن جا گھر ڊاٿا آھن. ڌرتيءَ ڌڻين کي ڪراچي جي مختلف ڪئمپن مان اٿاري گورنمينٽ ھتي آباد ڪيو. سنڌي ماڻھن کي ھٿ وٺي ديوار سان لڳايو پيووڃي، ھڪ سازش تحت سنڌ جي دل ڪراچي مان سنڌي ماڻھن کي لڏائڻ جي ڪوشش ڪئي پئي وڃي. چار ڏينهن گذرڻ باوجود ھن مھل تائين سنڌ جو نگران وڏو وزير توڙي گورنر سنڌ ھنن مسڪين ماڻھن وٽ لڙي ناھن آيا. ھي ھڪ وڏو سانحو ٿيو آھي معصوم نوجوان جي قتل جي ايف آء آر ملوث ماڻھن مٿان داخل ڪري انڪوائري مقرر ڪري مسڪين ماڻھن سان انصاف ڪيو وڃي. معصوم ٻارڙي جي والد مير حسن چانڊيو چيو ته منھنجي پٽ کي ملير ڊولپمينٽ اٿارٽي ۽ پوليس فائرنگ ڪري قتل ڪيو آهي. ظالمن اسان سان ظلم ڪيو آهي اعلي اختياريون نوٽيس وٺي انصاف فراهم ڪن. جڏھن ته گلشن سيد ٽينٽ سٽي ۾ معصوم ٻارڙي جي وارثن سان تعزيت جو سلسلو جاري آهي۔ جڏھن ته پيپلز پارٽي اين اي 235 جي اميدوار حاڪم خان جسڪاڻي وفد جي صورت ۾ ايم ڊي اي ۽ پوليس پاران چڙھائي ڪري ڊاٿل گھرن جو دورو ڪيو.