نئون ڪوٽ مان جھڏو واسڻ 2 ڀينرون مبينا اغوا، وارثن جو احتجاجي مظاھرو

views | 29th Jan 2024 • سنڌي خبرون

نئون ڪوٽ مان جھڏو واسڻ 2 ڀينرون مبينا اغوا، وارثن جو احتجاجي مظاھرو

نئون ڪوٽ (رپورٽر) نئون ڪوٽ مان هفتو اڳ جهڏو واسڻ ٻہ ڀينرون پراسرار نموني گم، وارثن پاران اغوا جو شڪ ظاهر، نارين جي پيءُ جو نئون ڪوٽ پوليس خلاف احتجاج، يعقوب ماڇي جو چوڻ ھو تھ هفتو اڳ نئون ڪوٽ جي بس اسٽاپ تان مسافر ڪوچ ڊرائيور الهڏنو حاجاڻو منهنجي ٻن نياڻين گل بانو ۽ گل ناز کي اغوا ڪري کڻي ويو، نئون ڪوٽ پوليس حد جو جواز ڄاڻائي فرياد ٻڌڻ کان کتو جواب ڏئي موٽائي ڇڏيو آهي اسان ٿاڻي جا چڪر ڪاٽي ٿڪي پيا آهيون، ڪير به دانهن نه پيو ٻڌي مونکي خدشو آهي ته منهنجي نياڻن کي بااثر ڪٿي وڪرو ڪري يا قتل نه ڪري ڇڏين انصاف ڪيو وڃي، ڪوچ مالڪ هفتي تائين نياڻين کي واپس ڪرائڻ جا ڪوڙا ڏٽا ڏيندو رهيو پر نياڻيون واپس ناهن ڪرايون، ايس ايس پي ميرپورخاص کان مطالبو ڪيو ته جلد ناريون بازياب ڪرائي بي چيني ختم ڪئي وڃي. پوليس جون چوڻ ھو تھ ناريون جهڏو پوليس جي حد مان گم ٿيون آهن نئون ڪوٽ پوليس جي حد مان ناهن ويون.