سجاول پوليس جي ڪارروائي، گٽڪو ۽ مين پڙيون ھٿ ڪرڻ جي دعويٰ

142 views | 29th Jan 2024 • سنڌي خبرون

سجاول پوليس جي ڪارروائي، گٽڪو ۽ مين پڙيون ھٿ ڪرڻ جي دعويٰ

سجاول (رپورٽر) ايس ايس پي سجاول شهلا قريشي جي ھدايت تي سي آئي اي پوليس سجاول جي انچارج سليم رضا مير جت ڳجھي اطلاع تي پنھنجي ٽيم سان گڏ چوھڙ جمالي-شاھ يقيق روڊ تي ڪاري موري وٽ ناڪابندي ڪري گٽڪا مٽيريل سپلائي جي ڪوشش ناڪام بڻائي ڇڏي. پوليس ترجمان غلام قادر گوپانگ مطابق سي آئي اي پوليس گٽڪي ۾ استعمال ٿيندڙ مٽيريل سان ڀريل ڊاٽسن نمبر AL0686 جي تلاشي دوران ڊاٽسن مان 300 ڪلو گرام سوپاري ڪٽر ۽ 400 پڙيون گٽڪي جون برآمد ڪري ھڪ جوابدار گل محمد پٺاڻ کي گرفتار ڪري ورتو جڏھن تہ ٽي جوابدار اشرف پٺاڻ، جمع خان پٺاڻ ۽ آصف سومرو فرار ٿيڻ ۾ ڪامياب ٿي ويا. پوليس ترجمان موجب گرفتار ۽ فرار ٿيندڙ جوابدار تي پوليس اسٽيشن چوھڙ جمالي تي گٽڪا ايڪٽ تحت ايف آئي آر درج ڪئي وئي آھي