قاضي ويجهو ڄاڃين سان حادثو، گهوٽن جي معصوم ڀيڻ سميت 6 ڄڻا فوت، خوشيون ماتم ۾ تبديل

174 views | 10th Mar 2024 • سنڌي خبرون

قاضي ويجهو ڄاڃين سان حادثو، گهوٽن جي معصوم ڀيڻ سميت 6 ڄڻا فوت، خوشيون ماتم ۾ تبديل

قاضي احمد (رپورٽر) قاضي احمد باء پاس روڊ تي ڳوٺ عبدالله ماڇي کان سڪرنڊ ڏانهن ڄڄ کڻي ويندڙ ڊاٽسن جو ڪنٽنر سان زوردار ٽڪر لڳڻ جي نتيجي ۾ المناڪ لڱ ڪانڊاريندڙ روڊ حادثي جي نتيجي ۾ پنج ڄڻا گل ماڇي ,عابد ماڇي ,نينگري غفورا محمد علي ماڇي سميت فوت ٿي ويا جڏھن ته 20 کان وڌيڪ زخمي ٿي پيا آھن زخمين ۾ عورتن ٻار مرد شامل آھن روڊ حادثي جي اطلاع ملڻ تي پوليس واقعي واري هنڌ پهچي زخمي ۽ لاشن کي اسپتال منتقل ڪيا ويا ڪيترائي زخمي ڳڻتي جوڳي حالت ۾ ھجڻ سبب کين نواب شاھ موڪليو پيو وڃي روڊ حادثي بابت مليل ڄاڻ موجب ڳوٺ عبدالله ماڇي مان مقامي ڳوٺاڻي هارون ماڇي جي ٻن پٽن ممتاز ماڇي ۽ مختيار ماڇي جي شادي هوئي ڪنوار جي پرڻي لاء ڄڄ ڳوٺ کان سڪرنڊ پئي وئي ته بدنصيب خاندان روڊ حادثي جو شڪار ٿي ويا حادثي ۾ گهوٽ جي هڪ ڀيڻ نينگري غفورا پڻ شامل آھي