مختلف ڊرامن ۾ ڪم ڪيو آھي، مستقبل لاءِ پراميد آھيان: ايمن خان

273 views | 20th Mar 2024 • سنڌي خبرون

مختلف ڊرامن ۾ ڪم ڪيو آھي، مستقبل لاءِ پراميد آھيان: ايمن خان

ڪراچي(رپورٽر) چائلڊ ايڪٽريس ايمن خان اسڪول کان وٺي اداڪاري جو شوق رکندي آئي آھي، اسڪول ۾ ڊرامن ۾ ڪردار ڪندي اچي پئي، تازو کيس ھڪ ايڊ ۾ بھ آفر آئي آھي. مختلف سوالن جا جواب ڏيندي ايمن خان ٻڌايو تھ مون کي شوبز جي دنيا ۾ ڪا بھ مشڪل ناھي رھي، ڪڏھن بھ مون کي نھ روڪيو ويو آھي، منھنجي والد ۽ والدا جي ڀرپور مدد ۽ حوصلا افزائي رھي آھي. ھن ٻڌايو تھ مان ايف ايم 101 تي بھ ڪم ڪيان پئي. تعليم جي حوالي سان ايمن خان ٻڌايو تھ ھن وقت مان ميٽرڪ ۾ پڙھي رھي آھيان، کائڻ جي پسند متعلق ٻڌايائين تھ مون کي برياني پسند آھي، موسمن جي حوالي سان ھن چيو تھ موسم ۾ بارش جي موسم پسند آھي. گھر جي ڪمن ڪارين بابت ھن چيو تھ گھر جا سڀ ڪم ڪندي آھيان. ۽ ماءُ جو ڪچن ۾ ھٿ ونڊائيندي آھيان.