گهارو ويجهو گذريل ڏينهن اغوا ٿيل نينگري نبيلا جوکيو واپس موٽي آئي، وارث خوشيءَ وچان روئي ويٺا

77 views | 27th Mar 2024 • سنڌي خبرون

گهارو ويجهو گذريل ڏينهن اغوا ٿيل نينگري نبيلا جوکيو واپس موٽي آئي، وارث خوشيءَ وچان روئي ويٺا

ٺٽو (ڊ ر) گهارو ويجهو گذريل ڏينھن اغوا ٿيل معصوم نينگري نبيلا جوکيو کي اغوا ڪندر جوابدار نينگري کي ساڪرو روڊ تي عبدالقادر ڪيٽل فارم لڳ ڇڏي فرار ٿي ويا، ڳوٺاڻن نندڙي کي ڏسي وارثن کي اطلاع ڏنو ، وارث نينگري کي گھر کڻي آيا ، نينگري واپس پھچڻ تي گھر ۾ خوشي جي لھر ، گذريل ڏينھن گھارو نمبر 2 مان 7 وريھن جي نينگري نبيلا جوکيو کي نامعلوم شخص پاران اغوا ڪيو ويو ھو ، جنھن بعد وارثن قومي شاھراھ تي ڌرڻو ھيو ھو ، پوليس جي خاطري بعد ڌرڻو ختم ڪيو ويو ھو ، ايس ايس پي ٺٽو ڊاڪٽر عمران خان واقعي واري جاء تي پھچي وارثن کان تفصيل ورتا ھئا ، ۽ پوليس آفيسرن جي ٽيم پڻ جوڙي ھئي ، نينگري کي اغوا ڪندڙ جوابدار گرفتار نه ٿي سگھيا ، وارثن مطالبو ڪيو آھي ته نينگري کي اغوا ڪندڙ جوابدارن کي گرفتار ڪيو وڃي، نينگري جي وارثن موجب نبيلا کي گذريل ڏينهن اغوا ڪندڙ جوابدار اڄ ساڪرو روڊ تي ڪيٽل فارم ويجهو ڇڏي ويا، شهرين جو چوڻ هو ته سي سي ٽي وي فوٽيج وائرل ٿيڻ سبب جوابدار پاڻمرادو نينگري کي ڇڏي ويا.