سجاول پوليس جي ڪارروائي، 8 ڏوھارين کي گرفتار ڪرڻ جي دعويٰ

124 views | 18th Apr 2024 • سنڌي خبرون

سجاول پوليس جي ڪارروائي، 8 ڏوھارين کي گرفتار ڪرڻ جي دعويٰ

سجاول (رپورٽر) سجاول ضلعي پوليس پاران منشيات ۽ گٽڪو وڪرو ڪندڙن خلاف ڪريڪ ڊائون جاري آهي.8 جوابدارن کي گرفتار ڪري 3 ڪلو چرس، 50 ڪلو سوپاري ، 50 ليٽر ديسي شراب، گٽڪا جا 2000 بوتلون، هڪ اڇي رنگ جي ڪرولا ڪار، هڪ هونڊا سٽي ڪار، هڪ شهزور ۽ هڪ سوزوڪي پڪ اپ هٿ ڪري ڪيس داخل ڪيو ويو تفصيل موجب ايس ايس پي سجاول ڊاڪٽر عبدالخالق پيرزادو جي حڪم تي ضلعي جي مختلف ٿاڻن جي حدن ۾ منشيات ۽ گٽڪو وڪرو ڪندڙن خلاف ڪارروايون ڪيون ويون. ايس ايڇ او سجاول سجاد علي جمالي جي ڳجهي اطلاع تي سجاول ٺٽو مين روڊ برانچ موري وٽ ڪامياب ڪارروائي ڪندي بين الاضلاع منشيات فروش گينگ جي ٻن اهم ڪارندن محمد امين آرائين سڪـنا لسبيلا بلوچستان ۽ وزير احمد ميربحر کي اڇي رنگ ڪرولا ڪار نمبر ALT-191 سميت گرفتار ڪري ورتو , ڪار جي خفيا خانن مان تلاشي دوران 3 ڪلو چرس ھٿ ڪري مٿن ڪيس داخل ڪيو ويو جڏهن ته ٻي ڪاروائي ۾ سجاول ميرپوربٺورو روڊ علي مير ملاح پمپ جي ويجهو چيڪينگ دوران گٽڪا فروش ملزمن الودھايو چاچڙ ۽ عـبد الله جتوئي کي اڇي رنگ جي شھزور ۽ 500 گٽڪن سميت گرفتار ڪري مٿن ڪيس داخل ڪيو ويو