خيرپورناٿن شاھ ويجھو مورو واسين سان حادثو، ٻن عورتن سميت 4 ڄڻا فوت، ھڪ زخمي

31 views | 08th May 2024 • سنڌي خبرون

خيرپورناٿن شاھ ويجھو مورو واسين سان حادثو، ٻن عورتن سميت 4 ڄڻا فوت، ھڪ زخمي

مورو (جاني جماڻي )مورو شھر جي پير بخاري محلا واسين جو خيرپورناٿن شاھ انڊس ھائي وي تي تيز رفتار مسافر ڪوچ جو ڪار کي ٽڪر ٻن عورتن سميت چار ڄڻا فوت ھڪ ڪار ڊرائيور زخمي ٿي پيو فوتين جا لاش ۽ زخمي کي مقامي اسپتال منتقل ڪيو ويو جتي زخمي کي طبي امداد ڏني وئي ۽ وڌيڪ علاج لاءِ سيوھڻ اسپتال منتقل ڪيو ويو آھي جڏھن تہ اھڙي حادثي اطلاع تي وارث مقامي اسپتال پھتا جتي فوتين جي لاش جون قانوني گھرجون پوريون ڪرڻ بعد لاش وارثن حوالي ڪيا ويا فوتين ۾ استاد ياسر ولد غلام عباس، غلام اصغر عرف منور ولد محمد ھاشم ميمڻ، سندس گھر واري ارشاد خاتون ۽ دلشاد زال غلام فاروق ميمڻ شامل آھن. وارثن جو چوڻ آھي تہ فيملي خيرپورناٿن شاھ ويجھو تعزيت لاءِ وڃي رھي ھئي جنھن دوران اھڙو حادثو پيش آيو آھي جڏھن تہ مقامي پوليس ڪوچ کي تحويل ۾ وٺي ڇڏيو آھي، ڪوچ ڊرائيور ۽ ڪلينر فرار ٿي ويا آھن. جڏھن تہ وارث لاش ايمبولينس ذريعي کڻائي مورو گھر پھتا چار لاش پھچڻ تي ڪھرام مچي ويو ۽ شھر ۾ پڻ سوڳ ڇائنجي ويو بعد ۾ چئن ڄڻن جي گڏيل جنازي نماز ادا ڪئي وئي جنھن ۾ سياسي سماجي علمي ادبي مذھبي قومپرست حلقي سان واسطو رکندڙن صحافين سميت ھر مڪتب فڪر سان تعلق رکندڙن وڏي انگ پھچي جنازي نماز ادا ڪئي وئي ۽ جنازي نماز بعد مرحومين کي اباڻي قبرستان ۾ دفنايو ويو.