شڪارپور ۾ ڊي سي جي هدايتن تي عطائي ڊاڪٽرن خلاف ڪريڪ ڊائون

views | 16th Oct 2024 • سنڌي خبرون

ڪاروائي دوران چار ڪلينڪون سيل ڪيون ويون، ڊاڪٽر ڇاپن کان اڳ ئي فرار ٿي ويا

شڪارپور ۾ ڊي سي جي هدايتن تي عطائي ڊاڪٽرن خلاف ڪريڪ ڊائون

شڪارپور ( احسان ابڙو ) شڪارپور ۾ عطائي ڊاڪٽرن خلاف ڪريڪ ڊائون، ڊپٽي ڪمشنر شڪارپور الطاف چاچڙ جي ھدايتن تي اسسٽنٽ ڪمشنر شڪارپور محمد فيضان ظفر. مختيارڪار شڪارپور عبدالحميد ڪٽو پاران سنڌ ھيلٿ ڪيئر ڪميشن جي ٽيم سان گڏجي شڪارپور شھر ۾ ھلندڙ عطائي ڊاڪٽرن خلاف سخت ڪاروائي ڪئي وئي، ڪاروائي دوران شھر ۾ 04 چار ڪلينڪون سيل ڪيون ويون ، جن ۾ ھڪ ڪلينڪ رستم موڙ. ھڪ ڪلينڪ الف شاھ شھيد روڊ ۽ ٻہ عطائي ڊاڪٽرن جون ڪلينڪون سماڌا آشرم روڊ تي سيل ڪيون ويون آھن. جڏھن تہ انتظاميا سخت ڪاروائي جو اھڙو اطلاع ملڻ تي ڪيترائي عطائي ڊاڪٽر پنھنجون ڪلينڪون ڇڏي ڀڄي ويا انتظاميا طرفان عطائي ڊاڪٽرن خلاف روزانہ جي بنيادن تي ڪارروايون ڪيون وينديون ۽ پڻ سندن خلاف ايف.آئي.آر داخل ڪرڻ لاء ايس.ايس.پي شڪارپور کي لکيو ويو آھي