ٺٽي ۾ گهارو واسي عورتن جو بااثرن خلاف احتجاجي مظاهرو

43 views | 25th Oct 2024 • سنڌي خبرون

نور خان مري لڏائڻ لاءِ گهر تي حملو ڪري مارڪٽ ڪئي: عورتون

ٺٽي ۾ گهارو واسي عورتن جو بااثرن خلاف احتجاجي مظاهرو

ٺٽو( محمد شفيق ڀٽي) گھارو مولامدد ڪالوني جي رھواسي مسمات سائرہ زال الھڏنو ملاح،تانيہ زال نثار ملاح،سلمہ زال الھڏنو ملاح عوامي پريس ڪلب ۾ ڪيل پريس ڪانفرنس ۾ دانھيندي چيو آھي تہ اسان غريب ماڻھون آھيون،ھڪ بااثر شخص نورخان مري اسان جو جيئڻ جنجال ڪري ڇڏيو آھي،ھو روز اسان کي ھتان لڏي وڃڻ لا ڌمڪائي ٿو،ھنن چيو تہ ڪالھ مذڪورہ شخص ٻن نامعلوم ھٿياربندن سان گڏجي اسان جي گھر تي حملو ڪري اسان کي مارڪٽ ڪئي ۽ اسان جي گھر مان ھٿيارن جي زور تي چار سولر پليٽون،ٻہ پنکا،ٻہ بيٽريون،ٻہ کٽون ۽ ھڪ واشنگ مشين سوزوڪي ۾ وجھي کڻي فرار ٿي ويو آھي،ھنن چيو تہ مذڪورہ بااثر شخص مان اسان کي جان جو خطرو آھي، ھنن آئي جي سنڌ، ڊي آئي جي حيدرآباد،۽ ايس ايس پي ٺٽو کان مذڪورہ بااثر شخص تي قانوني ڪاروائي ۽ کائنس تحفظ جي گھر ڪئي آھي.