سيرت لنبي صه ڪانفرنس جو اکين ڏٺو احوال

مشتاق احمد لنڊ

فخر موجودات , سرور ڪائنات , رحمت للعالمين , سوا لک نبين جي سردار مٺي مدني منٺا ر حضرت محمد مصطفيٰﷺ جن جي ولادت با سعادت جي خوشيء ۾  ” سيرت النبي پاڪ صه “ جي ھڪ شاندار ۽ پر وقار تقريب گورنمينٽ تعمير نئون ھاء اسڪول سکر  ۾ ٿي گذري .  ھن روحاني ۽ مقدس تقريب  جا چيف گيسٽ ممتاز تعليمي ماھر ، علم دوست آفيسر ۽ ھر دل عزيز شخصيت  حافظ شھاب الدين انڍڙ  , ڊائريڪٽر اسڪول ايجوڪيشن   ايليمينٽري , سيڪنڊري ۽ ھائير سيڪنڊري  ايجوڪيشن  سکر ريجن سکر , جڏهن ته ڪو چيف گيسٽ ممتاز تعليمي ماھر عبدالعزيز ڪلھوڙو ڊسٽرڪٽ ايجوڪيشن آفيسر ايليمنٽري سيڪنڊري ۽ ھائر سيڪنڊري ايجوڪيشن  ضلع سکر ھئا . اعزازي مھمان جاويد حميد قريشي تعلقه ايجوڪيشن آفيسر  ايليمنٽري سيڪنڊري ۽ ھائر سيڪنڊري ايجوڪيشن  آفيسر ميل تعلقه سکر سٽي هئا .  ھن تقرريب جي صدارت  حافظ لعل محمد تنيو سينئر ھيڊماستر گورنمينٽ  تعمير نئون ھاء اسڪول  سکر ڪئي . استادن سيد نديم حسين شاھ بخاري , مشتاق علي لنڊ , محمد رمضان مري ھيڊ ماستر  ,  احمد ظفر  انصاري , فرسٽ اسسٽنٽ  , محمد راشد , انعام نبي  , سفير احمد ميتلو , سليم الله پٺاڻ  , ۽ ٻين ھڪ وڏي تعداد ۾ شرڪت ڪئي ۔  اسڪول جي ٻارن ذھني آزمائش  جي مقابلن ۾ حصو ورتو قرعت ۽ نعت ۽ تقريرون ڪري پاڻ سڳورن تي عقيدت جا گل نڇاور ڪري قابليت جا جوھر ڏيکاريا . حافظ لعل محمد تنيو سينئر ھيڊ ماستر گورنمينٽ تعمير نو ھاء اسڪول سکر معزز مھمانن کي ڀليڪار ۽ مرحبا ڪندي , تشريف فرما ٿيڻ تي ٿورا مڃيا . عبدالعزيز ڪلھوڙو ڊسٽرڪٽ ايجوڪيشن آفيسر ايليمينٽري , سيڪنڊري ۽ ھائر سيڪنڊري ايجوڪيشن ضلع سکر خطاب ڪندي چيو ته حافظ لعل محمد تنيو سينئر ھيڊ ماستر , استادن , ٻارن ۽ خصوصي طور جاويد حميد قريشي تعلقه ايجوڪيشن آفيسر کي پروگرام منعقد ڪرڻ تي مبارڪون ھجن . جاويد حميد قريشي صاحب تعلقه ايجوڪيشن آفيسر سدائين محنت سان اھڙا پروگرام ڪندا رھندا آھن . حافظ شھاب الدين انڍڙ ڊائريڪٽر اسڪول ايجوڪيشن ايليمينٽري , سيڪنڊري ۽ ھائر سيڪنڊري ايجوڪيشن سکر ريجن سکر جو به ٿورائتو آھيان جو مصروفيتن باوجود پروگرام ۾ شرڪت ڪري پروگرام کي رونق بخشيو آھي . پاڻ وڌيڪ چيائون ته حضور اڪرم صه جن نھايت مھربان , ٻاجھارا , رحمدل ۽ سخي ھئا . پاڻ سڳورن صه جي اخلاق مبارڪ جي شاھدي خود قرآن مجيد ۾ موجود آھي , ترجمون ” بيشڪ توھان لاء رسول الله جي ذات ۾ بھترين نمونو آھي . “ استاد صاحبان روزانه ٻارن کي سيرت النبي پاڪ صه ۽ سنت مبارڪن بابت ڪلاسن ۾ به ٻارن کي ٻڌائڻ ۽ سمجھائڻ گھرجي . حافظ شھاب الدين انڍڙ ڊائريڪٽر اسڪول ايجوڪيشن ايليمينٽري , سيڪنڊري ۽ ھائر سيڪنڊري ايجوڪيشن سکر ريجن سکر تقريب کي خطاب ڪندي چيو ته حافظ لعل محمد تنيو سينئر ھيڊ ماستر ۽ جاويد حميد قريشي تعلقه ايجوڪيشن آفيسر ھن با برڪت پروگرام منعقد ڪرڻ تي مبارڪون ھجن . اھڙا مقدس پروگرام بيحد ضروري آھن . ھنن ٻارن جي موجودگي کي سماج جي شرڪت سمجھيو وڃي . ھي ٻار ھتان سيرت النبي پاڪ صه بابت سکي اھي ڳالھيون ۽ عمل گھرن ۾ ڪندا آھن . ھي ٻار ئي سماج جي ڪاميابيء جا اصل ڪردار آھن . اسان سماج کي ساڃاه وند پيڙھي ڏيڻ جي ڪوشش ڪري رھيا آھيون . اسان جي ھٿ وس ڪوشش ڪرڻ آھي باقي ڪرڻو ڪريم کي آھي جيڪو بيحد مھربان ۽ ٻاجھارو آھي . پاڻ وڌيڪ چيائون ته اڃا ھنن ٻارن جي نثر ۽ نظم پڙھڻ تي وڌيڪ ڌيان ڏيڻ جي ضرورت آھي . شعر پڙھڻ جي آواز ۽ انداز کي اڃا وڌيڪ بھتر بنائڻ جي ضرورت آھي . اھي ڳالھيون ۽ ھدايتون جنرل سڀني لاء آھن . ٻارن ۾ صلاحيتون آھن بس ان ۾ نکار آڻڻ ۽ موقعن ڏيڻ جي ضرورت آھي . قرآن مجيد ۾ آھي ته ترجمون ” بيشڪ اي محمد صه تون سھڻي اخلاق جي وڏي مرتبي تي آھين “. پاڻ سڳورا صه جن گفتگو نھايت آھستگيء سان فرمائيندا ھئا . نبي ڪريم ص جن جا اخلاق مبارڪ سموري انسانذات لاء واٽ جي لاٽ آهن ـ انهيَ واٽ جو "سھائو" روشني اعلي اخلاق جي قدرن وڃايل ماڳ تي رسائڻ لاء اڄ به اسان جو سونھون بڻجي سگهي ٿو . آخر ۾ حافظ لعل محمد تنيو ۽ استادن تعليمي آفيسرن کي خدمتن جي مڃتا ۾ شيلڊ پيش ڪيا ـ تعليمي آفيسرن استادن کي بھترين استاد جون شيلڊون ڏنيون ۽ پڻ پوزيشن  کڻندڙ ٻارن کي شيلڊون ڏنيون