ڪراچي: وڻ شھر جو حسن وڌائي ماحول کي سازگار بڻائن ٿا: محمد سچل وڌو

ماحول دشمن وڻن سان شھرن اندر گرمي پد وڌندي رهي ٿو جنھن سان قدرتي آفتن اچن ٿيون ۽ تمام گھڻو نقصان ٿئي ٿو

ڪراچي (اعجاز چانڊيو) وڻ شھر جو حسن وڌائي ماحول کي سازگار بنائڻ سان گڏ آلودگي کي ختم ڪرڻ ۾ اھم ڪردار ادا ڪندو آھي ، ماحول دشمن وڻن سان شھرن اندر گرمي پد وڌندي رهي ٿو جنھن سان قدرتي آفتن اچن ٿيون ۽ تمام گھڻو نقصان ٿئي ٿو ، بيمارين کي ختم ڪرڻ ۽ پنھنجي نسلن کي بچائڻ لاء ھر ماڻھو پنھنجي حصي جو ھڪ وڻ لڳائڻ گھرجي محمد سچل وڌو ، بھار فائونڊيشن پاران سنڌ حڪومت جي سرڪاري طور وڻڪاري مھم جي قرار پاس ڪرڻ واري عمل کي سنڌ دوست عمل قرار ڏنو سنڌ حڪومت جي اھڙي انسان دوست عمل ۾ بھار فائونڊيشن پاران ڀرپور نموني ساٿ ڏنو ويندو ان ڏس ۾ ڪراچي ضلعي اولھ جي عبدالله گبول ڳوٺ جي گورنمينٽ ايليمينٽري اسڪول ۾ وڻ ۽ ٻوٽا لڳائڻ جو پروگرام ڪيو جنھن ۾ بھار فائونڊيشن جي چيئرمين محمد سچل وڌو ، ميونسپل ٽائون ڪميٽي منگھوپير جو چيئرمين حاجي علي نواز بروهي، استاد برڪت علي سوڍڙو ، استاد عاشق حسين وڌيو ، يو سي عبدالله گبول ڳوٺ جو چيئرمين مور خان گائنچو ، ڊاڪٽر عابد مظهر ، عبدالخالق مرزا ، ايجوڪيشن آفيسر نورالدين مستوئي ۽ ٻين ڳالھائيندي چيو ته بھار فائونڊيشن جو سمورو سٿ جس لھي جيڪي پنھنجو قيمتي وقت سماجي خدمتن ۾ گذارين ٿا ، ان موقعي تي منگھوپير ٽائون جي چيئرمين حاجي علي نواز بروهي چيو ت آئون ۽ منھنجي پوري ٽيم بھار فائونڊيشن جي وڻڪاري مھم ۾ ھميشه گڏجي ڪم ڪندي اسان کي جڏھن ۽ جتي ت آواز ڏيندا انشاءالله اتي بھار فائونڊيشن سان گڏ ھوندا سين ، محمد سچل وڌو ڳالھائيندي چيو ته شھر جي ترقي ۽ ان کي سر سبز بنائڻ لاء اسان کي سڀ ڪجھ وساري گڏ ٿيڻو پوندو ، گھڻو ڪجھ غلط ٿي رھيو آھي اچو ت گڏجي بھتر ڪرڻ جي ڪوشش کي ڪامياب ڪريون ، ان وڌيڪ ڳالهائيندي چيو ته آئون اسڪول جي استادن شاگردن خاص طور تي نياڻين جو بيحد شڪر گذار آھيان جن ھن وڻڪاري مھم ۾ اسان جو ڀرپور ساٿ ڏنو آھي