سنڌو درياهه مان ڪينال ڪڍڻ انتھائي افسوسناڪ عمل آھي: صحافي سامي ميمڻ

ملير ۾ سنڌي ادبي سنگت شاخ ملير جي دستوري گڏجاڻي ٿي گذري

ملير (رپورٽ: عبدالرشيد مورجھريو) ھن وقت سنڌ ۾ پاڻيءَ جي شديد کوٽ آھي اھڙي صورتحال ۾ سنڌو درياهه مان ڪينال ڪڍڻ انتھائي افسوسناڪ عمل آھي سنڌ جا رھواسي بک ۽ بدحالي سبب اڳ ۾ ئي رڙيون ڪري رھيا آھن کين وڏيڪ مشڪل ۾ وجھڻ جون ڪوششون ڪيون پيون وڃن صورتحال ايتري ته خراب آھي جو سنڌ جا پڙهيل لکيل نوجوان خودڪشيون ڪري رھيا آھن اھڙن خيالن جو اظھار نالي واري صحافي سماج سڌارڪ ۽ عوامي پريس ڪلب ملير جي صدر سامي ميمڻ سنڌي ادبي سنگت شاخ ملير جي دستوري گڏجاڻي ۾ صدارتي راءِ ڏيندي ڪيو ھن وڌيڪ چيو تہ شاعر معاشري جو اھم ستون ھوندا آھن ڇو ته ھي پنھنجي شاعري سان ستل معاشري کي سجاڳ ڪرڻ جي پوري سگھ رکندا آهن جيتوڻيڪ ھن وقت تمام سٺي شاعري ٿي رھي تنھن ھوندي به شاعر دوستن کي گھرجي ته ھو پنھنجي شاعري جا منھن ديس جي دشمن طرف ڪن ۽ ڌرتيءَ کي ھن نازڪ صورتحال مان ٻاهر ڪڍڻ ۾ پنهنجون ڀرپور ڪوششون وٺن.گڏجاڻيء ۾ سڪندر سرواڻ سومري تنقيد لاءِ نظم ۽ مجيب سنڌي غزل تنقيد لاءِ پيش ڪيو جڏھن ته سيد غفور شاهه تقوي ۽ اصغر مھرائي بغير تنقيد جي پنھنجا اسم پيش ڪيا جڏهن ته قمبر ٻُٽ اديب الرحمان ڪورائي ڊاڪٽر علي اصغر ۽ سيد عنايت علي شاه تنقيد ۾ حصو ورتو گڏجاڻيءَ جي ڪاروائي جوائنٽ سيڪيٽري امتياز دانش ھلائي