ڪراچي: سهراب ڳوٺ جي يوسي 8 ۾ گٽرن جو پاڻي روڊن تي ڪاهي پيو، رهواسي پريشان

بلوچ محلو. بشير پٽي. شبير پٽي سميت ڪيترائي علائقا گٽرن جي گندي پاڻي هيٺ اچي ويا

ڪراچي (اعجاز چانڊيو) ميونسپل ڪارپوريشن سھراب ڳوٺ ٽائون يوسي 8 بنيادي سھولتون کان وانجھيل رھواسي گٽرن جي گندي پاڻي مان گزرڻ تي مجبور بڻجي ويا. چونڊيل نمائندن جي مسلسل نااھلي سبب يوسي 8 بلوچ محلو. بشير پٽي. شبير پٽي سميت ڪيترائي علائقا گٽرن جي گندي پاڻي ۾ تبديل ٿي ويا. بلوچ محلي جون مارڪيٽون. مسجدون. اسڪول ويران ٿي ويا. علائقي واسي گھرن ۾ نمازون پڙھڻ تي مجبور بڻيل. اسڪول. مدرسن آڏو گوڏي جيڏو پاڻي بيٺل انتظاميه اگھور ننڊ ستل يونين ڪاؤنسل کي ملندڙ 12 لک روپيه ڪاگزي ڪاروائي تائين محدود ٿي ويا. مدرسي صديق اڪبر جي قاري عبدالحميد جي اڳواڻي خطابين پاڪ ڪتاب کڻي ٽائون چيئرمين لالا رحيم خلاف احتجاج ڪيو. ان حوالي سان علائقي واسين ٻڌايو ته ھتي نه ڪا يونين ڪاؤنسل جي آفيس موجود ناھي. اسان ڪيترائي ڀيرا ٽائون چيئرمين کي شڪايتون ڪيون پاڪ ڪلمي ۽ قرآن جا واسطه وڌا پر رڳو خالي آسرا ۽ ڏٽا ڏنائين. وڌيڪ اوھان پاڻ علاقي جي حالت ڏسي رھيا آھيون. قاري عبدالحميد ٻڌايو ته منھنجي مدرسي ۾ ٽي سو کان وڌيڪ خطابي داخل ھيا. پر گندي پاڻي سبب 150 ٻارڙن کي والدين مدرسي اچڻ کان روڪي ڇڏيو. خدا کان سواء ڪوبه دانھن ٻڌڻ وارو ناھي. علائقي واسين ٻڌايو ته ٽائون چيئرمين لالا رحيم 20 نومبر تي ترقياتي ڪم ڪرائڻ جو واعدو ڪري ھاڻي نئين سال ۾ ڪم ڪرائڻ جو ڏٺا ڏئي رھيو آھي. سالن کان گندي پاڻي سبب مختلف بيماريون ڦھلجي چڪيون آھن. معصوم ٻارڙن کي چمڙي. مليريا. ڊينگي ۽ بيماريون پکڙجي چڪيون آھن. گلن جھڙا معصوم ٻارڙا راند به کيڏي نٿا سگھن. سندن جي زندگين کي خطرو آھي. ھنن سنڌ حڪومت. لوڪل گورنمينٽ. وزير بلديات سعيد غني. ميئر ڪراچي مرتضي وھاب کان نوٽيس وٺي بلوچ محلي ۾ ترقياتي ڪم ڪرائي ڏيڻ جو مطالبو ڪيو آھي.