مورو ۾ ٻن ڏينهن واري مفت ميڊيڪل ۽ اکين جي ڪيمپ لڳائي وئي

30 views | 19th Dec 2024 • سنڌي خبرون

مورو ۾ ٻن ڏينهن واري مفت ميڊيڪل ۽ اکين جي ڪيمپ لڳائي وئي

مورو (جاني جماڻي)مورو ڀرسان چوٿين ميل وٽ معزز سماجي شخصيت ايمان پيٽرول پمپ جو مالڪ سماجي اڳواڻ حاجي خالد حسين ٻگھيو پاران سيلاني ويلفيئر ٽرسٽ جي تعاون سان ٻه روزه مفت ميڊيڪل ۽ اکين جي ڪئمپ لڳائي وئي جنهن ۾ اکين جي ماھر سرجن ڊاڪٽر نديم ميمڻ، سرجن ڊاڪٽر جنيد، ڊاڪٽر صفدر، ڊاڪٽر فرقان، ڊاڪٽر ارسلان، ڊاڪٽر عظيم، ڊاڪٽر ڪامران، ڊاڪٽر ناصر، ڊاڪٽر يوسف ۽ ٻين مختلف بيمارين جي ماھرن ڊاڪٽرن پاران تعلقي موري جي پسگردائيءَ جي ڳوٺن وسندي واھڻ جي رھواسين مردن عورتن معصوم ٻارڙن تقريبن 2000 ھزار کان مٿي مريضن جو چيڪ اپ ڪيو 200 کان مٿي مريضن جنهن ۾ مرد توڙي عورتون جو اکين جو آپريشن ڪري مفت ۾ دوائون ڏنيون ويون. ان موقعي تي معزز سماجي شخصيت حاجي خالد حسين ٻگھيو صحافي جاني جماڻي صحافي عارف يوسفزئي سان ڳالهندي چيو تہ اسان بنا ڪنھن ذات پات رنگ ۽ نسل صرف الله پاڪ جي خاطر مفت ميڊيڪل ڪيمپ لڳائي بي پهچ ماڻھن کي صحت جون سهولتون ڏيارڻ جي ڪوشش ڪئي آھي. ھن ڪئمپ ۾ ھن علائقي جي ھزارين ماڻھن فائدو حاصل ڪيو آھي جن کي ھر سھولت سان گڏ علاج ۽ دوائون ڏنيون ويون آھن ۽ اھا ڪوشش جاري رھندي ھن چيو تہ ھن علائقي جي عوام لاءِ مون سيلاني ويلفيئر ٽرسٽ وارن کي زمين پڻ ڏني آھي جيڪي ھتي نياڻين ۽ نوجوانن لاءِ الڳ الڳ ديني تعليم ڏيڻ لاءِ درسگاھ ٺاھيندا ۽ ننگر خانو پڻ قائم ڪيو ويو آهي جتي ھر غريب مسڪين پورھيت مزدور طبقي سان واسطو رکندڙن کي مفت ۾ کاڌو ڏنو پيو وڃي ھن چيو ته هن علائقي ۾ گذريل برساتن جي ڪري پيٽ جون بيماريون، چمڙي جون بيماريون، اکين جي تڪليف ۽ هاءِ بلڊ پريشر جهڙيون بيماريون عام ٿينديون ٿيون وڃن جنھن کي منھن ڏيڻ لاء ڪئمپ لڳائي ته جيئن غريب ماڻھن کي رليف ملي سگھي.......