عمرڪوٽ ۾ ھندو شادين لاء ٺھيل قانون جي پاسداري ۽ عملدرآمد لاء ضلعي سطح تي گڏجاڻي

عمرڪوٽ(رپورٽ:ڪانجي مل رکيسر) سنڌ حڪومت پاران ھندو شادين جي لاء ٺاھيل قانون جي پاسداري ۽ عمل درآمد لاء ضلعي سطح تي گڏجاڻي ڪوٺائي ويئي، سماجي حلقن جي وڏي انگ ۾ شرڪت خبر موجب سنڌ حڪومت پاران جوڙيل قانون سنڌ ھندو ميريج ايڪٽ 2018 جي حوالي سان ڪالھ عمرڪوٽ ضلع ڪائونسل ھال ۾ گڏجاڻي ڪوٺائي ويئي جنھن ۾ سنڌ ھيومن رائيٽس ڪميشن جي چيئرمين اقبال ڏيٿو، ڊپٽي ڊائريڪٽر لوڪل گورنمينٽ عمرڪوٽ ھريش چندر ۽ مساوي اداري جي نمائندي سميت ٻين شرڪت ڪندي سنڌ حڪومت پاران جوڙيل قانون سنڌ ھندو ميريج ايڪٽ (2018) تي عمل ڪرائڻ ۽ ان جي عملدرآمد ۽ پاسداري دوران ايندڙ مسئلن تي تفصيلي ڳالھ ٻولھ ڪئي وئي، قانون کي عمل ۾ آڻڻ لاء ورتل ڪوششن ۽ گھربل ڪوششن تي پڻ ڳالھايو ويو ان موقعي تي چيئرمين سنڌ ھيومن رائيٽس ڪميشن اقبال ڏيٿو چيو ته اسان ھندو ميريج ايڪٽ جي عمل درآمد لاء مساوي اداري سان گڏجي ڪم ڪري رھيا آھيون جنھن جو بنيادي مقصد آھي ته سنڌ ۾ ھندو ڪميونٽي جون شاديون رجسٽر ٿين ۽ انھن کي رجسٽريشن ۾ پڻ سھولت فراھم ڪئي وڃي، اسان قانون جي پاسداري لاء نادرا سان گڏجي ضلع عمرڪوٽ ۽ ٿرپارڪر جي مختلف يونين ڪائونسلن ۾ رجسٽريشن مھم ھلائي ماڻھن کي رجسٽريشن ۾ سھولتون فراھم ڪيون آھن ھن چيو ته اسان مختلف ادارن سان گڏجي لوڪل سطح تي پڻ آگاھي فراھم ڪري لوڪل ڪميونٽين توڙي لوڪل سطح تي ڪم ڪندڙ يوسي چيئرمين ء سيڪريٽريز جي قانون بابت تربيت پڻ ڏينداسين ته جيئن شاديون قانون تحت رجسٽر ٿي سگھن ڊپٽي ڊائريڪٽر لوڪل گورنمينٽ ھريش چندر چيو ته نادرا جي پاليسين ۾ تبديلي ڪري اسان ھندو ڪميونٽي کي پڻ سھولتون فراھم ڪيون آھن ته جيئن اھي پنھنجيون شاديون رجسٽر ڪرائي سگھن، تنھن نتيجي ۾ اسان وٽ صرف گذريل مھيني ۾ 300 کان مٿي شاديون رجسٽر ٿيون آھن ھن چيو ته اسان ۽ توھان گڏجي ان قانون جي عمل درآمد لاء پڻ ڪوششون ڪنداسين جيئن لوڪل سطح جي ماڻھن کي فائدو رسي سگھي سماجي اڳواڻ علي اڪبر راھمون چيو ته قانون بابت بنيادي سطح تي اڳاھي ڏيڻ جي ضرورت آھي جيڪو پاڻ چاھيون ته وڊيوز ۽ ٿري ڊي ڊاڪيومينٽريز ذريعي آساني سان ڪميونٽي سطح تي آڳاھي ڏئي سگھون ٿا سماجي اڳواڻ مير حسن آريسر چيو ته اسان ھيومن رائيٽس ڪميشن ۽ لوڪل گورنمينٽ سان ھندو ميريج ايڪٽ جي عمل درآمد لاء مڪمل تعاون رھندو اليڪشن ڪميشنر عمرڪوٽ سيد طيب زوار ڳالھائيندي چيو ته عمرڪوٽ اھو واحد ضلعو آھي جتي رجسٽرڊ ووٽن ۾ صرف 5.5 سيڪڙو جيڊر گيپ آھي جيڪو ٻين ضلعن جي ڀيٽ ۾ تمام گھٽ آھي گڏجاڻي دوران اسسٽنٽ ڊائريڪٽر منارٽي ڏپارٽمينٽ سڪندر علي، اسسٽنٽ ڊائريڪٽر وومين ڊيولپمينٽ ڊپارٽمينٽ طارق وحيد، اسسٽنٽ ڊائريڪٽر سوشل ويلفيئر ڏپارٽمينٽ خالد حسين، اسسٽنٽ ڊائريڪر نادرا عمرڪوٽ نور محمد ڀنڀرو سميت محمد بخش ڪنڀر، نريش ناٿ، سپنا ڪماري سميت ٻين اڳواڻن پنھنجا ويچار ونڊيا