نوشھرو فيروز ۾ عالمي حفاظتي ٽڪن جو هفتو ملهايو پيو وڃي، شهر ۾ جاڳرتا ريلي

102 views | 26th Apr 2023 • سنڌي خبرون

سرسو يونسيف جي ضلعي آفيسر اياز لطيف راڄپر سارنگ تڳر سني راڄپر ۽ ٻين سول اسپتال کان جاڳرتا ريلي ڪڍي

نوشھرو فيروز (ڊر) نوشھرو فيروز ۾ 24 اپريل کان 30 اپريل تائين عالمي حفاظتي ٽڪن جو هفتو ملهايو ويو. ان سلسلي ۾ سول اسپتال نوشھروفيروز کان جاڳرتا ريلي ڪڍي ويئي جنهن جي اڳواڻي سرسو يونسيف جي ضلعي آفيسر اياز لطيف راڄپر سارنگ تڳر سني راڄپر صدام سومرو پرھ ميمڻ خليل احمد ۽ ٻين ڪئي ان موقعي تي اڳواڻن چيو ته هن هفتي ۾ ڳوٺن توڙي شھرن ۾ حفاظتي ٽڪن بابت اگاهي مهم هلائي ويندي. والدين پنجن سالن کان گھٽ عمر جي ٻارن کي سڀئي حفاظتي ٽڪا وقت سر لڳرائن، هر صحت جي مرڪز تي سينٽر قائم ٿيل آھن ۽ ويڪسينيٽرز توڙي LHW ۽ ٻيو عملو مقرر ٿيل آھي، جڏهن ته علائقن ۾ ٽيمون گهر گهر وزٽ ڪري ٻارن کي حفاظتي ٽڪا لڳرائينديون. اڳواڻن چيو ته والدين ڄمڻ کان 15 مهينن تائين جي ٻارن کي 10 خطرناڪ بيمارين کان بچاء جا حفاظتي ٽڪا لڳرائن ڇوته ٽڪا بيمارين کان بچاءُ جي ضمانت آهن.