مورو ۾ ٻئي ڏينهن به اکين جي آپريشن لاءِ مفت ڪيمپ لڳائي وئي

حيدرآباد ۽ ڪراچي جي ماھر ڊاڪٽرن ۽ ڊاڪٽرياڻين مريضن جو معائنو ڪيو

مورو (جاني جماڻي) مورو ۾ ٻئي ڏينهن به انسانيت جي ڀلائي لاءِ مورو ۽ آسپاس جي رھواسين لاءِ اکين جي ٻہ روزہ مفت ڪئمپ الحق فائونڊيشن اينڊ الزھرا ميڊيڪل سينٽر طرفان لڳائي وئي جنھن ۾ حيدرآباد ڪراچي جي ماھر ڊاڪٽرن مريضن جو مفت معائنو ڪيو ۽ اکين جا آپريشن ڪري انھن کي لينس لڳائي چشما ۽ دوائون ڏنيون ويون. ان موقعي تي ڊاڪٽر جي جي عصمت زھرا شاھ جو چوڻ ھو تہ اسان ھميشھ انسان ذات جي خدمت ڪئي آھي ۽ ھاڻي بي ان جذبي تحت خدمت ڪري رھيا آھيون ان لاءِ اسان پنھنجي شھر مورو ۽ ان جي پسگردائيءَ وارن علائقن جي رھندڙ غريب مسڪين پورھيت مزدور طبقي لاءِ مفت اکين ڪئمپ لڳرائي آھي جتي انھن جو مفت آپريشن ڪري لينس لڳايا ويا آھن، چشما دوائون پڻ ڏنيون ويون آھن ۽ کاڌ خوراڪ سميت ھر سھولت فراھم ڪري ڏني وئي آھي تہ جيئن ھن علائقي جا ماڻھون نور جھڙي نعمت کان محروم نہ ٿين. ھن وڌيڪ چيو تہ اسان جي ھن عمل ۾ سمورن سماج سڌارڪ انساني خدمت ڪندڙ ڊاڪٽر روشن سومرو، چيئرمين نظير احمد ميمڻ، شاھ لطيف راشد سميت ٻين ساٿ ڏنو آھي تہ جيئن انساني خدمت ڀرپور ٿي سگھي. اسان جي ڪوشش آھي تہ ھتي اھڙو ادارو قائم ڪريون جنھن ۾ ھر ماڻھون جو اعلاج ٿئي ۽ صحت مند رھن ۽ اسان جو معاشرو ھر بيماري کان محفوظ رھي سگھي. جڏھن تہ حيدرآباد ڪراچي کان آيل ماھر ڊاڪٽرن جو چوڻ ھو تہ مريضن جو مفت علاج ۽ آپريشن ڪيو آھي جنھن سان دلي سڪون ملي ٿو جنھن سان الله پاڪ عاصي ٿئي ٿو.