ملير: اسٽيل ٽائون پوليس پاران ٻن جوابدارن کي گرفتار ڪرڻ جي دعويٰ

پوليس گشت دوران 2جوابدارن کي هٿيارن سميت گرفتار ڪيو: ايس ايس پي ملير

ملير (ڊر) ملير اسٽيل ٽائون پوليس اسٽريٽ ڪرائم ۽ موٽرسائيڪل لفٽنگ ۾ ملوث ٻن جوابدارن اسد الله ۽ حبيب الله کي گرفتار ڪرڻ جي دعويٰ ڪئي آهي. ايس ايس پي ملير ڪاشف آفتاب عباسي جو چوڻ آهي ته لنڪ روڊ تي پوليس گشت دوران موٽرسائيڪل سوار جوابدارن کي هٿيارن سميت گرفتار ڪري ورتو. گرفتار ٿيل ٻئي جوابدار ڦرلٽ گروپ جا مکيه اهم ڪارندا آهن گرفتار جوابدار اسدالله ۽ حبيب الله ڀائر آهن. جوابدار اسٽيل ٽائون سميت ڪراچي جي مختلف علائقن ۾ بندوق جي زور تي شهرين کي ڦر ڪندا هئا. گرفتار جوابدارن جي قبضي مان 2 پستول 30 بور گولين سان گڏ ٻه 125 موٽرسائيڪلون هٿ ڪيون ويون آهن. ايس ايس پي ملير جو وڌيڪ چوڻ آهي ته پوليس ڪاروائي ۾ گرفتار ڪيل جوابدارن وٺان بهادر آباد ٿاڻي جي حد مان ڦر ڪيل موٽرسائيڪل هٿ ڪئي وئي آهي . گرفتار جوابدار اڳ به ڪيترن ئي ڪيسن ۾ گرفتار ٿي جيل وڃي چڪا آهن گرفتار جوابدارن جو ڪرمنل رڪارڊ به سامهون آيو آهي، جنهن ۾ اسدالله تي 11 جڏهن ته حبيب الله تي مختلف ٿاڻن ۾ 5 ڪيس داخل آهن. گرفتار جوابدارن خلاف جاچ شروع ڪ ري ڇڏي آهي قانون موجب قانوني ڪارروائي ڪئي پئي وڃي .