ٽالهي ۽ ڀرپاسي وارن علائقن ۾ پيئڻ جو پاڻي اڻلڀ، علائقي واسي واٽر سپلائي جي تلائن ۾ بيٺل گندو پاڻي واپرائڻ تي مجبور

گندو پاڻي واپرائڻ سبب بيماريون ڦلجڻ جو خدشو، انتظاميا تحرڪ نه ورتو

ٽالهي (رپورٽر) ٽالهي ۽ ڀرپاسي وارن علائقن ۾ پئيڻ جو پاڻي اڻڀ علائقي واسي واٽر سپلائي جي تلائن ۾ بيٺل گندو بدبودار پاڻي واپرائڻ تي مجبور بيماريون ڦلجڻ جو خدشو انتظاميا تحرڪ نه ورتو رهواسي پريشانين ۾ مبتلا، خبر موجب: ٽالهي شهر ۽ هن جي ڀرپاسي وارن علائقن ۾ سالياني واري بندي کانپوءِ پئيڻ جو پاڻي اڻڀ ٿي ويو علائقي واسي پئيڻ جي صاف پاڻي لاءِ دربدر ٿيڻ لڳا آهن شهر جي مک واٽر سپلائي جي تلائن جو پاڻي به ختم ٿيڻ ڪري رهواسي تلائن ۾ بيٺل گندو بدبودار پاڻي واپرائڻ تي مجبور بڻجي ويا جنهن سبب پيٽ جي بيمارين ڦلجڻ جو خدشو ظاهر ڪيو پيو وڃي توڙي جو مختلف ڳوٺن ۾ لڳل هينڊ پائيپن ۽ نلڪن تان جر جو پاڻي خريد ڪري ۽ ڀري اچڻ تي مجبور بڻجي ويا آهن توڙي چيٽ جي فصل کي پڻ ڪاپاري ڌڪ رسڻ جو خدشو ظاهر ڪيو پيو وڃي رهواسين ڊائريڪٽر نارا ڪئنال سميت لاڳاپيل اختيارين کان مطالبو ڪندي گھر ڪئي ته نارا ڪئنال جو ترقياتي ڪم جلد از جلد مڪمل ڪري پاڻي ڇوڙ ڪيو وڃي ۽ شهر جي واٽر سپلائي جي تلائن جي صفائي ڪرائي ڏني وڃي جئين اسان کي پئيڻ جو صاف پاڻي مهيا ٿي سگهي،