بدين: لواري شريف جي ڳوٺ يعقوب جوڻيجو ۾ نوجوان ناري پيءُ هٿان قتل، جوابدار گرفتار

ڌيءَ گهران نڪري وئي هئي، کيس هٿ ڪري لٺيون هڻي قتل ڪيو: دودو ڀيل جو اعتراف

بدين (رپورٽر) بدين لڳ لواري شريف جي ڳوٺ يعقوب جوڻيجو ۾ هڪ المناڪ واقعو پيش آيو آھي جتي غيرت جي نالي تي پيء دودو ڀيل پنهنجي ئي ڌيءَ اندرا ڀيل کي لٺيون ھڻي قتل ڪري ڇڏيو،واقعي جي اطلاع تي پوليس فوري طور تي واقعي واري هنڌ پهچي لاش کي تحويل ۾ وٺي ضروري ڪارروائي لاءِ بدين منتقل ڪيو، قتل ٿي ويل ڇوڪري جي پئ دودو ڀيل ٽائيم نيوز سان ڳالھائيندي چيو ته سندس نياڻي گھران ڀڄڻ جي ڪوشش ڪئي ۽ گھران نڪري وئي اسان ڪوشش ڪري کيس ھٿ ڪري غيرت ۾ اچي لٺيون ھڻي کيس قتل ڪري ڇڏيو آھي، بدين پوليس جي ايس ايڇ او انور لغاري موجب دودو ڀيل پنھنجي نياڻي اندرا ڀيل کي ڪاري قرار ڏئي مٿي ۾لٺيون ھڻي قتل ڪيو آھي ۽ پوليس جوابدار دودو ڀيل کي گرفتار ڪري ورتو آھي،