سنڌ جو نامياري شاعر، ڪمپيئر ۽ نقاد امتياز دانش 39ورهين جو ٿي ويو، سالگرهه تقريب منعقد

ملير ۾ سنڌي ادبي سنگت شاخ پاران عوامي پريس ڪلب تي امتياز دانش جي سالگرهه تقريب منعقد

ملير(عبدالرشيد مورجھريو)سنڌ جي نامياري شاعر ڪمپيئر ۽ نقاد امتياز دانش جي 39 هين سالگرھ تقريب سنڌي ادبي سنگت شاخ ملير طرفان عوامي پريس ڪلب ملير ۾ ملهائي وئي ان موقعي تي سنڌ جي رومانوي ۽ انقلابي شاعر سيد غفور شاھ تقوي ساس ملير جي سيڪريٽري اصغر مهرائي قمبر ٻٽ عوامي پريس ڪلب ملير جي صدر سامي ميمڻ اشرف ڪلهوڙو طارق جان سهتو سيد هارون شاھ برڪت شاھ نياز شاھ شهنشاھ چارڻ رشيد مورجهريو ۽ ٻين شرڪت ڪئي سالگرھ جي موقعي تي شاعرن اديبن صحافين ڪيڪ ڪاٽي امتياز دانش کي واڌايون ڏنيون جڏهن ته شاعر اشرف ڪلهوڙي گيت ٻڌائي سالگرھ تقريب کي چارلچنڊ لڳائي ڇڏيا سالگرھ تقريب ۾ ڳالهائيندي غفور شاھ امتياز دانش کي زبردست ڀيٽا پيش ڪندي چيو ته امتياز نازڪ ۽ نفيس خيالن جو ماڻهو ۽ خوبصورت شاعر آهي سندس چهري تي هر وقت مسڪراهٽ ۽ چپن تي سنگت ۽ دوستن لاء دعائون هونديون آهن اصغر مهرائي جو چوڻ هو ته اسان مئي پڄاڻان ماڻهو جو قدر ڪرڻ ڄاڻون پر ادبي سنگت ملير پنهنجي ميمبر ۽ خوبصورت شاعر امتياز دانش جو حياتي ۾ قدر ڪندي نه رڳو سالگرھ تقريب ملهائي آهي پر کيس زبردست ڀيٽا پيش ڪئي آهي اسان جي دعا آها ته امتياز دانش جڳهن تائين جيئي ان موقعي تي سامي ميمڻ قمبر ٻٽ طارق جان سهتو ۽ ٻين پڻ خيالن جو اظهار ڪيو۔