عمرڪوٽ ۾ صحت کاتي جي ڊيلي ويجز ملازمن جو پگهارن لاءِ احتجاج

عمرڪوٽ (ڊ ر)ضلعي عمرڪوٽ جي صحت کاتي جي ڊيلي ويجز ملازمن کي گذريل اٺن 8 مھينن کان پگھارون نه ملڻ تي ڊيلي ويجز ملازمن جو پريس ڪلب عمرڪوٽ تي احتجاجي مظاهرو، تفصيلي رپورٽ موجب صحت کاتي ۾ ڪووڊ 19 جي ڊيلي ويجز ملازمن کي گذريل اٺن مھينن کان پگھارون نه ملڻ تي ملازم بکون ڪاٽڻ تي مجبور، جڏھن ته ڪوڊ 19 جي ڊيلي ويجز ملازمن جھانگر سومرو، صحبت سومرو، گلبھار رند، اسماعيل منگريو، پرڪاش ناٿ مھراج، ٽلو مل ڪولھي ۽ ٻين جي اڳواڻي ۾ پرس ڪلب عمرڪوٽ تي پر امن احتجاجي مظاهرو ڪندي ھنن صحت کاتي سان مطالبو ڪندي چيو ته اسان جي پگھار ۾ واڌ ڪئي وڃي ۽ پگھارون ڏي ريگيولر ڪري بي چيني ختم ڪي وڃي، ھنن چيو ته اسان کي گذريل اٺن مھينن کان پگھارون نه ملڻ ڪري اسان سخت پريشان آھيون ۽ اسان جي گھر جو گذر سفر وڏي مشڪل سان ڪري رھيا آھيون تنھنڪري اسان صوبائي وزير صحت، سيڪريٽري صحت توڙي ڊائريڪٽر جنرل صحت کاتي سان مطالبو ڪريون ٿا تہ اسان کي پگھارون ڏيئي ريگيولر ڪيو وڃي.