مورو ۾ تڪراري ڪئنالن خلاف چئن ڏينهن کان قومي شاهراهه تي ڌرڻو جاري

ڌرڻي سبب ٽريفڪ معطل، گاڏين جون قطارون لڳل، ايس ايڇ او مجيب الرحمان ناريجو مسافرن ۽ ڊرائيورن ۾ برياني ورهائي

مورو (جاني جماڻي)تڪراري ڪئنالن خلاف قومي ڪارڪنن پاران مورو بائي پاس قومي شاھراھ تي چار ڏينھن کان روڊ تي لڳل ڌرڻي سبب قومي شاھراھ تي ڦاٿل مختلف گاڏين ۾ سوار ماڻھن لا۽ مورو ٿاڻي جي ايس ايڇ او مجيب الرحمان ناريجو مانجھندي جو بندوبست ڪري انھن ۾ تقسيم ڪيو ايس ايڇ او مجيب الرحمان ناريجو مسافرن ۽ ڊرائيورن کي چيو ته ايس ايس پي نوشھروفيروز جي ھدايتن تي مورو پوليس اوھان جي خدمت ۽ حفاظت لا۽ ڏينھن رات رود تي موجود آهي ايس ايڇ او مجيب الرحمان ناريجو مورو جي سرھندي وارن کي اپيل ڪندي چيو ته ڌرڻي تي ويٺل قومي ڪارڪنن، مسافرن ۽ ڊرائيورن جي سار سنڀال لھن جيئن انهن کي ڪابه تڪليف نه اچي ايس ايڇ او مجيب الرحمان ناريجو سان پوليس اھلڪار اياز ڀٽو، فيضر جٽ، عابد لانگاھ، گلاب زرداري ۽ ٻيا پوليس اھلڪار گڏ ھيا،