رمضان المبارڪ کان اڳ بينظير انڪم سپورٽ پروگرام جي حقدار خاندانن لاءِ اهم خوشخبري سامهون آئي آهي۔
اسلام آباد ۾ پروگرام جي چيئرپرسن روبينا خالد اعلان ڪيو آهي ته رمضان المبارڪ کان اڳ مالي امداد جي رقم ۾ واڌ ڪئي ويندي
چيئرپرسن روبينا خالد اعلان ڪيو آهي ته رمضان المبارڪ کان اڳ مالي امداد جي رقم ۾ واڌ ڪئي ويندي، جنهن سان ملڪ ڀر ۾ لڳ ڀڳ هڪ ڪروڙ حقدار خاندانن کي وڌيڪ سهائتا ملي سگهندي۔
هن ٻڌايو ته ٽن مهينن واري وظيفي جي رقم 13,500 رپين مان وڌائي 14,500 رپيا ڪئي وئي آهي، جيڪا رمضان المبارڪ دوران ادا ڪئي ويندي۔ ان سان گڏ بينظير ايجوڪيشن وظيفا پروگرام تحت به 500 رپين جو اضافو منظور ڪيو ويو آهي، جڏهن ته بينظير نشونما پروگرام جي امداد ۾ پڻ 500 رپيا واڌ ڪئي وئي آهي ته جيئن مستحق خاندانن کي وڌيڪ سهولت فراهم ٿي سگهي۔