نوشهروفيروز ۾ ڳوٺ طالب سولنگي واسي عورتن جو احتجاج
پاڙي ۾ غير اخلاقي سرگرمين سبب سخت پريشان آهيون: جميلان سولنگي
نوشهرو فيروز(ڊر)نوشهرو فيروز جي ڳوٺ طالب سولنگي جون رهواسڻيون مسمات جميلان سولنگي ۽ شاهدا سولنگي پريس ڪلب نوشهرو فيروز آڏو احتجاج ڪندي چيو ته سندن پاڙي ۾ ڪجهه ماڻهن جي گهرن ۾ ٻاهريان ماڻهو اچن وڃن ٿا ۽ اتي مبينا طور غيراخلاقي ڌنڌو هلي رهيو آهي، جنهن سبب علائقي جو ماحول خراب ٿي رهيو آهي. احتجاج ڪندڙ عورتن موجب هنن جڏهن ان عمل تي اعتراض ڪيو ته جواب ۾ شاهدا۔ منير سولنگي، تنوير سولنگي، شفيق سولنگي۔ ۽ سندن نياڻو سرمد ڀٽو سميت ٻين ماڻهن مبينا طور سندن گهرن ۾ گهڙي تشدد ڪيو ۽ موتمار ڌمڪيون ڏنيون. متاثر عورتن جو چوڻ آهي ته واقعي بعد هو نوشهرو فيروز ٿاڻي تي شڪايت لاءِ ويون، پر پوليس طرفان تدارڪ لاءِ ڪو به اثرائتو قدم نه کنيو ويو. هنن اعليٰ اختيارين ۽ ايس ايس پي نوشهرو فيروز کان اپيل ڪئي آهي ته علائقي ۾ مبينا بيڪار ڌنڌو ڪندڙ ماڻهن خلاف ڪارروائي ڪري کين تحفظ فراهم ڪيو وڃي، جيئن پاڙي جو امن ۽ سڪون بحال ٿي سگهي.