ڏوڪري واسي نوجوان جو مبينا ڌمڪيون ملڻ خلاف احتجاج
عرفان ڪنڀر پئسن جي معاملي تي ڌمڪيون ڏئي رهيو آهي: طارق علي ميمڻ
ڏوڪري (رپورٽر) ڏوڪري جي رهواسي طارق علي ميمڻ ڏوڪري پريس ڪلب ۾ صحافين اڳيان دانهيندي الزام هنيو آهي ته عرفان ڪنڀر کيس پيسن جي معاملي تي موتمار ڌمڪيون ڏئي رهيو آهي. طارق علي ميمڻ وڌيڪ چيو ته هن گذريل سال آگسٽ مهيني ۾ عرفان ڪنڀر کان پنج لک روپين ۾ مينهن خريد ڪئي هئي، پر ڪافي مهينا گذرڻ باوجود جڏهن هن پيسا واپس گهريا ته جوابدار ڌمڪيون ڏيڻ شروع ڪري ڇڏيون۔ هن چيو ته ان سلسلي ۾ هن 27 فيبروري 2026 تي ڏوڪري ٿاڻي تي ڪيس پڻ داخل ڪرايو آهي. هن چيو ته عرفان ڪنڀر فون ذريعي به کيس ڌمڪائي رهيو آهي ۽ بيمار پي ميهر ڪنڀر جي نالي تي ڪوڙو ڪيس مڙهڻ جون ڌمڪيون ڏئي رهيو آهي، اهو چوندي ته جيڪڏهن بيمار پي فوت ٿي ويو ته ان جو الزام مٿس هنيو ويندو. طارق علي ميمڻ چيو ته جوابدار کيس مسلسل هراسان ڪري رهيو آهي ۽ پيسا نه ڏيڻ تان ڪوڙا ڪيس داخل ڪرائڻ سان گڏ موتمار ڌمڪيون ڏئي رهيو آهي. هن اعليٰ اختيارين کان مطالبو ڪيو ته معاملي جو نوٽيس وٺي عرفان ڪنڀر خلاف قانوني ڪارروائي ڪري کيس تحفظ فراهم ڪيو وڃي.