ايندڙ چونڊن ۾ پ پ ڪاميابي ماڻيندي ۽ بلاول ڀٽو زرداري ملڪ جو وزير اعظم ٿيندو: ناصر شاھ

نوشهرو فيروز(ڊ ر) اڳوڻي صوبائي وزير ناصر شاهه نوشهرو فيروز ۾ شڪارپور حادثي جي فوت ٿي ويل پي پي اڳواڻن خليفه شڪيل احمد، نادر چانڊيو، ڳهڻو خان تڳر ۽ جوجي سومرو جي وارثن سان تعزيت ڪئي ان موقعي تي صحافين سان ڳالهائيندي ناصر شاهه چيو ته اسان جو ڪارڪن پارٽي جو اثاثو آھي سندن فوتگي تي دلي صدمو پهتو. هن چيو ته ملڪ ۾ اليڪشن مهم شروع ٿي چڪي آھي ۽ اسان جي عوامي پارٽي آھي عوامي طاقت سان پي پي ڪامياب ٿيندي ۽ بلاول ڀٽو زرداري وزير اعظم ٿيندو. هن چيو ته چيف اليڪشن ڪمشنر تي ڪجهه قوتون بي بنياد الزام لڳائي اليڪشن کان فراريت چاهين ٿا جيڪي ڪامياب نه ٿيندا.