نوشهروفيروز ۾ نوجوان جو استادن تي حملي جو الزام

نوشهروفيروز(ڊ ر)ڳوٺ مچر جي رهواسي حلوو کپائيندڙ نوجوان فرهاد غني وسطڙو پريس ڪلب نوشهروفيروز پهچي صحافين آڏو دانهيندي چيو آهي ته مين پرائمري اسڪول مچر جي استادن مون تي حملو ڪيو آهي ۽ اهي اسڪول ۾ حلوو کپائڻ به نه ٿا ڏين جيڪا وڏي زيادتي آهي هن چيو ته مون استادن کي رڳو ايترو چيو ته پنهنجي ڊيوٽي پابنديء سان ۽ ٽائيم سان ڪيو جنهن کان پوء اهي منهنجا ذاتي دشمن بڻجي ويا آهن ۽ گذريل ڏينهن مونکي مارڻ لاء ڦٽا کڻي پويان پيا آهن هن مطالبو ڪيو ته ڊيوٽي چور استادن کي ڊيوٽيء جو پابند بڻائي گوسڙو استادن کي هٽايو وڃي ٻي صورت ۾ احتجاج جو دائرو وڌايو ويندو