ملير: اسٽيل ملز مان لوهه ۽ ٽامون چوري ڪندڙ ٽولو گرفتار
بن قاسم پوليس جي ڳجهي ڪارروائي، 4 جوابدار هٿيڪا
ملير (رپورٽ: عبدالرشيد مورجھريو) بن قاسم پوليس اسٽيل ملز جي علائقي مان قيمتي سامان ۽ ڌاتن جي چوري ۾ ملوث ٽولي خلاف وڏي ڪارروائي ڪندي 4 جوابدارن کي گرفتار ڪري ورتو آهي پوليس موجب گرفتار جوابدارن جي سڃاڻپ جهانزيب، اڪرم، سمير ۽ سجاد جي نالن سان ڪئي وئي آهي۔ ڪارروائي دوران جوابدارن جي قبضي مان 100 ڪلوگرام کان وڌيڪ چوري ڪيل ٽامون ۽ لوهه هٿ آيو ابتدائي جاچ ۾ جوابدارن اعتراف ڪيو ته هو چوري ڪيل مال مختلف گودامن ۾ وڪرو ڪندا هئا۔ پوليس موجب جوابدارن جو فوجداري رڪارڊ چيڪ ڪيو پيو وڃي، جڏهنتہ انهن خلاف قانوني ڪارروائي شروع ڪري وڌيڪ تفتیش جاري آهي ذريعن موجب بن قاسم ٿاڻي پاران علائقي ۾ چوري ۽ اسمگلنگ ۾ ملوث عنصرن خلاف ڪڙڪ ڪارروائين جو سلسلو تيز ڪرڻ جو فيصلو ڪيو ويو آهي۔