ایسا کوئی قانون نہیں ہوگا جو صوبوں کے اختیارات کم کرے: ایمل ولی خان

چیئرمین سینیٹ کی زیر صدارت اجلاس میں سینیٹر ایمل ولی خان نے کہا کہ حکومت کا مقصد عوام کے لیے بہترین بلدیاتی نظام فراہم کرنا ہے اور کوئی بھی قانون صوبوں کے اختیارات کو کم نہیں کرے گا۔ انہوں نے کہا کہ ہم آئین اور قانون سازی میں حصہ لینے آئے ہیں اور ہر چیز کی مخالفت نہیں کر سکتے۔ ایمل ولی خان نے واضح کیا کہ آئین و قانون کے حوالے سے کھل کر تجاویز اور سفارشات پیش کی جائیں گی اور جہاں ہماری رائے کا احترام ہوگا، وہاں بھرپور تعاون کریں گے۔