سجاول ويجهو چانگ برادري جو جاتي پوليس جي ناانصافين خلاف احتجاج

سجاول (رپورٽر) سجاول ويجهو چانگ فارم وٽ چانگ برادري جي ماڻهن پاران جاتي پوليس جي ناانصافين خلاف احتجاجي مظاھرو ڪري مين روڊ تي ڌرڻو لڳايو ويو ھن موقعي تي احتجاج ڪندڙن حنيف چانگ عرس عبدالرحمان جلال عبدالڪريم چانگ ۽ ٻين چيو ته جاتي پوليس رشيد چانگ کي بيگناھ کنڀي وئي آھي پوليس کيس ڪوڙن ڪيسن ۾ ڦاسائڻ چاھي ٿي ھنن مطالبو ڪيوته کيس فوري طور آزاد ڪيو وڃي سجاول چوھڙجمالي روڊ تي ڌرڻي سبب ٻنهين طرفن کان سوين گاڏيون جمع ٿي ويون ۽ شديد گرمي ۾ مسافر سخت پريشان ٿيندا رھيا ٻي پاسي روڊ بند ٿيڻ واري معاملي تي ايس ايس پي سجاول عبدالخالق پيرزادو فوري نوٽيس ورتو۽ ڊي ايس پي سجاول ذوالفقار علي ۽ سي آئي انچارج قربان علي قمبراڻي ڌرڻي واري ھنڌ پھچي مظاھرين سان ڳالھيون ڪري روڊ کي کولرائي ڇڏيو