ڀٽ شاھ شاھھ ڀرسان ٻيلي کاتي جي زمين تي مبينا قبضي ۽ گھرن تي فائرنگ خلاف ڳوٺاڻن جو ڌرڻو
ھٿياربندن ٻيلي کاتي جي زمين تي قبضو ڪيو آھي، گھرن تي فائرنگ ڪري خوف پکيڙي رھيا آھن: ڳوٺاڻا
ڀٽ شاھ (رپورٽر) ڀٽ شاھ ڀرسان کنڊو ويجهو قومي شاهراهه تي ڳوٺاڻن پاران ٻيهر قومي شاهراه تي احتجاجي مظاهرو ڪري ڌرڻو هڻي روڊ بلاڪ ڪري ڇڏيو آهي ڪچي اندر ٻيلي کاتي جي سرڪاري زمين جي مالڪي تان ھلندڙ تڪرار ختم نہ ٿيو ڳوٺ درل خان کوسو جي رهواسي کوسا برادري پوليس جي يقين دهاني باوجود مسئلہ حل نہ ٿيڻ خلاف احتجاج ڪندي قومي شاهراه بند ڪري ڌرڻو هڻي ويهي رهيا احتجاج ڪندڙن جي اڳواڻي گل حسن کوسو ميان داد کوسو۔ ۽ ٻين الزام هڻندي چيو تہ علائقي جي بااثر زميندارن ٻاهريان هٿياربند گهرايا آھن جيڪي اسان جي گهرن جي مٿان فائرنگ ڪندا رهن ٿا هٿياربند ڏوهاري اسان جو مال پڻ هٿيارن جي زور تي ڪاهي ويا آھن پر انتظاميہ ڪچي جي زمينن تي ويٺل هٿياربندن ۽ انهن جي سپورٽ ڪرڻ وارن خلاف ڪا ڪاروائي نہ ڪئي آھي جيسيتائين اسان جا مطالبا منظور نہ ٿا ٿين اسان جو احتجاج ۽ ڌرڻو جاري رهندو بي پاسي قومي شاهراه بند ٿيڻ ڪري سوين گاڏيون بيهجي ويون آهن ۽ مسافر سخت پريشانين کي منهن ڏيڻ تي مجبور آهن