ڪلائيميٽ چينج سبب موت انسانن ڏانھن، دنيا ڏانھن وڌي رھيو آھي ۽ اسين لاتعلق آھيون: اياز لطيف پليجو

طاقتور ملڪ چائنا، آمريڪا، ھندستان ۽ ٻيا طاقتور ملڪ ماحول جي حوالي سان دنيا کي تباھ ڪري رھيا آھن

حيدرآباد(بيورو)قومي عوامي تحريڪ جي سربراھ اياز لطيف پليجي چيو آهي تہ ڪلائيميٽ چينج سبب موت انسانن ڏانھن، دنيا ڏانھن وڌي رھيو آھي ۽ اسين لاتعلق آھيون. طاقتور ملڪ چائنا، آمريڪا، ھندستان ۽ ٻيا طاقتور ملڪ ماحول جي حوالي سان دنيا کي تباھ ڪري رھيا آھن. ڪينسر ۽ ٻيون بيماريون وڌڻ جي ڪري، ٻوڏن جي ڪري ماڻھو مرندا. اسان وٽ انتھاپسند امن جي پاليسين، ڪرپٽ ماڻھو ديانتداري تي، قاتل انساني حقن جي پاليسين تي ڳالھائين ٿا. اسان وٽ قانون تي عمل ناھي. اياز لطيف پليجي چيو تہ ڪئنال ۽ ڊيم ماحول تي وڏو حملو ٿيندو. پاڻي روڪڻ سان ھيٺ وارا علائقا، زراعت ۽ زندگي ختم ٿي ويندي. حڪومت کي سائيڪلون ھلائڻ لاءِ مھم ھلائڻ گھرجي. وڻڪاري لاءِ مھم ھلائڻ گھرجي. عدليا ڪلائيميٽ چينج تي ڪو تحريڪ نٿي وٺي. ڪئنال ۽ ڊيم ٻيلن جي تباھي، پاڻي کوٽ، گاڏين ماحول دوست ناھن، ان تي عدالت ڇو نوٽيس نٿي وٺي. پاڪستان ۾ لاھور سميت پنج وڏا شھر گدلاڻ جو شڪار آھن. اياز لطيف پليجي چيو تہ وڻن جي واڍي، ٻيلن جي تباھي، گندگي خلاف عوام عدالت ۾ وڃي.